യൂനിസ് ഖാനും ഷാന്‍ മസൂദും മികച്ച രീതിയില്‍ ഒരുമിച്ച് പ്രവര്‍ത്തിക്കുന്നവര്‍

- Advertisement -

പാക്കിസ്ഥാന് ആദ്യ ടെസ്റ്റില്‍ ഒരു ഘട്ടത്തില്‍ വിജയ പ്രതീക്ഷയുണ്ടായിരുന്നു. ആദ്യ ഇന്നിംഗ്സില്‍ പൊരുതി നേടിയ ശതകം സ്വന്തമാക്കിയ ഷാന്‍ മസൂദാണ് വിജയം പിടിക്കുവാനുള്ള സാഹചര്യം ടീമിന് ഒരുക്കി നല്‍കിയത്. പാക്കിസ്ഥാന്‍ ബൗളര്‍മാര്‍ ഒരു ഘട്ടത്തില്‍ വിജയം പിടിക്കുമെന്ന നിലയിലേക്ക് വന്നുവെങ്കിലും ജോസ് ബട്‍ലറും ക്രിസ് വോക്സും ഇവരുടെ പ്രതീക്ഷ തകര്‍ക്കുകയായിരുന്നു.

ഷാന്‍ മസൂദ് ബാറ്റിംഗ് കോച്ചുമാരുമായി മികച്ചൊരു ബന്ധം സൃഷ്ടിച്ചിട്ടുണ്ടെന്നാണ് പാക് മുഖ്യ കോച്ച് മിസ്ബയുടെ അഭിപ്രായം. മുന്‍ കോച്ച് ഷാഹിദ് അലമിനോടൊപ്പവും ഇപ്പോള്‍ യൂനിസ് ഖാനുമായും ഈ ബന്ധം ഷാന്‍ കാതത് സൂക്ഷിക്കുന്നുണ്ടെന്ന് മിസ്ബ അഭിപ്രായപ്പെട്ടു.

ഷാന്‍ ഇപ്പോള്‍ ഏറെ വ്യത്യസ്തനായ ബാറ്റ്സ്മാനാണെന്നും അതില്‍ യൂനിസിന്റെ പങ്ക് വളരെ വലുതാണെന്നും മിസ്ബ വ്യക്തമാക്കി. ഇരുവരും തമ്മില്‍ മികച്ച ബന്ധമാണെന്നും മിസ്ബ അഭിപ്രായപ്പെട്ടു. ബാബര്‍ അസം, ഷദബ് ഖാന്‍ എന്നിവര്‍ക്കൊപ്പമുള്ള ഷാനിന്റെ കൂട്ടുകെട്ടുകള്‍ തന്നെ താരം വ്യത്യസ്തനായ ബാറ്റ്സ്മാനായി മാറിയെന്നതിന്റെ സൂചനയാണെന്നും മിസ്ബ അഭിപ്രായപ്പെട്ടു.

Advertisement