ബംഗ്ലാദേശിന്റെ ഏകദിന ടീമുകളിലേക്ക് തമീം ഇക്ബാലും ഷാക്കിബ് അല്‍ ഹസനും മടങ്ങിയെത്തുന്നു. വിന്‍‍ഡീസിനെതിരെയുള്ള മൂന്ന് ഏകദിന മത്സരങ്ങളുടെ പരമ്പരയ്ക്കുള്ള 16 അംഗ ടീമിനെയാണ് ഇന്ന് ബംഗ്ലാദേശ് പ്രഖ്യാപിച്ചത്. ഏഷ്യ കപ്പിലെ ആദ്യ മത്സരത്തിനിടെ പരിക്കേറ്റ തമീം ഏറെ നാളായി കളത്തിനു പുറത്തായിരുന്നു. മൂന്ന് മത്സരങ്ങളുടെ പരമ്പര ധാക്കയില്‍ ഡിസംബര്‍ 9നു ആരംഭിയ്ക്കും. 11, 14 തീയ്യതികളാണ് ശേഷിക്കുന്ന മത്സരങ്ങള്‍.
ബംഗ്ലാദേശ്: മഷ്റഫെ മൊര്‍തസ, തമീം ഇക്ബാല്‍ ഇമ്രുല്‍ കൈസ്, സൗമ്യ സര്‍ക്കാര്‍, ലിറ്റണ്‍ ദാസ്, ഷാക്കിബ് അല്‍ ഹസന്‍, മുഷ്ഫിക്കുര്‍ റഹിം, മഹമ്മദുള്ള, റൂബല്‍ ഹൊസൈന്‍, മുസ്തഫിസുര്‍ റഹ്മാന്‍, മെഹ്ദി ഹസന്‍, നസ്മുള്‍ ഇസ്ലാം അപു, മുഹമ്മദ് മിഥുന്‍, സൈഫ് ഉദ്ദിന്‍, അബു ഹൈദര്‍ റോണി, ആരിഫുള്‍ ഹക്ക്
