വിന്‍ഡീസിനെതിരെയുള്ള ധാക്കയിലെ രണ്ടാം ടെസ്റ്റില്‍ ബംഗ്ലാദേശിന് ഷാക്കിബിന്റെ സേവനം ലഭ്യമാകില്ല. ആദ്യ ടെസ്റ്റിനിടെയേറ്റ പരിക്കാണ് താരത്തിന് തിരിച്ചടിയായത്. യഥാസമയം ആ പരിക്കില്‍ നിന്ന് താരം ഭേദമാകില്ലെന്നാണ് അറിയുന്നത്. ചട്ടോഗ്രാം ടെസ്റ്റിന്റെ രണ്ടാം ദിവസം ആണ് ഷാക്കിബിന് പരിക്കേറ്റത്.
ബയോ-സെക്യൂരിറ്റി ബബിളില്‍ നിന്ന് താരം പുറത്ത് കടക്കുമെങ്കിലും താരത്തിന്റെ പുരോഗതി ബിസിബി മെഡിക്കല്‍ ടീമിന്റെ മേല്‍നോട്ടത്തില്‍ കൃത്യമായി അവലോകനം ചെയ്യുമെന്ന് ബംഗ്ലാദേശ് ക്രിക്കറ്റ് ബോര്‍ഡ് തങ്ങളുടെ കുറിപ്പില്‍ അറിയിച്ചു.
