ഷദബ് ഖാന്റെ തിരിച്ചുവരവ് പാക്കസിസ്ഥാന്‍ ടീമിനെ സന്തുലിതമാക്കുമെന്നും കൂടുതല്‍ ശക്തമാക്കുമെന്നും അഭിപ്രായപ്പെട്ട് മിക്കി ആര്‍തര്‍. താരം തന്റെ ഏറ്റവും മികച്ച ക്രിക്കറ്റ് പുറത്തെടുക്കുവാന്‍ കുറച്ച് സമയം എടുക്കുമെങ്കിലും മേയ് 31നു ലോകകപ്പിലെ തങ്ങളുടെ ആദ്യ മത്സരത്തിനു കളിയ്ക്കാനുണ്ടാകുമെന്നാണ് മിക്കി പ്രതീക്ഷ വെച്ച് പുലര്‍ത്തുന്നത്. രണ്ടാഴ്ച ഫോമും പൂര്‍ണ്ണ ഫിറ്റ്നെസ്സും എടുക്കുവാന്‍ താരത്തിനുണ്ടെന്നുള്ളതും മികച്ച കാര്യമാണെന്ന് മിക്കി കൂട്ടി ചേര്‍ത്തു.
താരം ഫിറ്റ്നെസ്സും ഫോമും വീണ്ടെടുക്കുവാനായി നടത്തിയ കഠിന പ്രയത്നങ്ങള്‍ താരത്തിന്റെ സമീപനമാണ് കാണിക്കുന്നതെന്നും മിക്കി ആര്‍തര്‍ പറഞ്ഞു. താരത്തിന്റെ ഓള്‍റൗണ്ട് കഴിവുകള്‍ പാക്കിസ്ഥാന്‍ ബാറ്റിംഗിനു കൂടുതല്‍ ആഴവും മൂന്ന് പേസര്‍മാരെ കളിപ്പിയ്ക്കുവാനുള്ള അവസരവും ടീമിനു നല്‍‍കുന്നു എന്നതും ടീമിലേക്കുള്ള താരത്തിന്റെ മടങ്ങിവരവ് ഏറെ പ്രാധാന്യമുള്ളതാണ്.
