ന്യൂസിലാണ്ടിനെതിരെ ടെസ്റ്റ് പരമ്പര കൈവിട്ട ശേഷം ദക്ഷിണാഫ്രിക്കയിലും ടെസ്റ്റ് മത്സരങ്ങളില്‍ തോല്‍വിയേറ്റു വാങ്ങിയ പാക്കിസ്ഥാന്റെ മുഖ്യ കോച്ച് മിക്കി ആര്‍തര്‍ പറയുന്നത് ലോകത്തെവിടെയും കളിച്ച് ജയിക്കുവാന്‍ കഴിയുന്ന ടീമിനെ വാര്‍ത്തെടുക്കലാണ് തന്റെ ലക്ഷ്യമെന്നാണ്. കഴിഞ്ഞ പത്ത് ടെസ്റ്റില്‍ അഞ്ചെണ്ണവും തോറ്റാണ് പാക്കിസ്ഥാന്‍ നിലവില്‍ സ്ഥിതി ചെയ്യുന്നത്.
സെഞ്ചൂറിയണില്‍ ടെസ്റ്റ് വിജയിക്കുവാനുള്ള അവസരം സൃഷ്ടിച്ചു എന്നിട്ടാണ് മത്സരം ടീം കൈവിട്ടത്. അത് പോലെ എല്ലാ മത്സരങ്ങളിലും ടീമിനു പ്രകടനം പുറത്തെടുക്കുവാന്‍ പറ്റണം. മത്സരത്തില്‍ 250 റണ്‍സ് ലക്ഷ്യം ദക്ഷിണാഫ്രിക്കയ്ക്ക് മുന്നില്‍ വെച്ചിരുന്നുവെങ്കില്‍ ടീം വിജയിക്കുമായിരുന്നുവെന്നാണ് പാക് കോച്ച് പറയുന്നത്. ഒരു ഘട്ടത്തില്‍ 100/1 എന്ന നിലയിലായിരുന്നു ടീം അവിടെ നിന്നാണ് ടീം പരാജയപ്പെട്ടത്.
സത്യസന്ധമായി പറയുകയാണെങ്കില്‍ ഈ വര്‍ഷം സെപ്റ്റംബറില്‍ ആരംഭിയ്ക്കുന്ന ടെസ്റ്റ് ചാമ്പ്യന്‍ിപ്പിനു വേണ്ടി ടീമിനെ ഒരുക്കുകയാണ് തന്റെ ലക്ഷ്യമെന്നും മിക്കി പറഞ്ഞു. ലോകത്ത് എവിടെയും വിജയിക്കുവാനുള്ള ശേഷിയും കഴിവുമുള്ള താരങ്ങളെ ചേര്‍ത്തൊരു ടീം അതാണ് തന്റെ ലക്ഷ്യമെന്ന് മിക്കി ആര്‍തര്‍ പറഞ്ഞു.
