417 റണ്‍സിന് ഓള്‍ഔട്ട് ആയി ഇന്ത്യ, ജലജ് സക്സേന പുറത്താകാതെ 48 റണ്‍സ്

ദക്ഷിണാഫ്രിക്ക എ യ്ക്കെതിരെ 417 റണ്‍സിന് പുറത്തായി ഇന്ത്യ. 339/5 എന്ന നിലയില്‍ രണ്ടാം ദിവസം ഉച്ച ഭക്ഷണത്തിന് ശേഷം ബാറ്റിംഗ് പുനരാരംഭിച്ച ഇന്ത്യ. 78 റണ്‍സ് കൂടി നേടി പുറത്താകുകയായിരുന്നു. ശിവം ഡുബേ 68 റണ്‍സ് നേടിയപ്പോള്‍ ജലജ് സക്സേന പുറത്താകാതെ 48 റണ്‍സുമായി നിന്നു. 24 റണ്‍സ് നേടിയ ഉമേഷ് യാദവുമായി ചേര്‍ന്ന് ജലജ് എട്ടാം വിക്കറ്റില്‍ നേടിയ 35 റണ്‍സാണ് ഇന്ത്യയെ 400 കടക്കുവാന്‍ സഹായിച്ചത്.

ഉമേഷ് റണ്ണൗട്ടായി അധികം വൈകാതെ ഇന്ത്യ എ ഇന്നിംഗ്സ് അവസാനിച്ചു. 13 പന്തില്‍ നിന്ന് 2 വീതം സിക്സും ഫോറും നേടിയാണ് ഉമേഷ് തന്റെ 24 റണ്‍സ് നേടിയത്. ദക്ഷിണാഫ്രിക്കയ്ക്കായി ഡെയിന്‍ പീഡെട്, വിയാന്‍ മുള്‍ഡര്‍ എന്നിവര്‍ മൂന്ന് വീതം വിക്കറ്റ് നേടി.