ഇന്ന് തിരുവനന്തപുരത്ത് വെസ്റ്റിൻഡീസിനെതിരായ രണ്ടാം ടി20ക്കായി ഇന്ത്യ ഇറങ്ങുമ്പോൾ മലയാളി താരം സഞ്ജു സാംസൺ കളിക്കുമെന്ന് പ്രതീക്ഷയുമായി മലയാളി ആരാധകർ. ബംഗ്ളദേശിനെതിരായ പരമ്പരയിൽ ടീമിൽ ഉൾപെട്ടിട്ടും ഒരു മത്സരം പോലും കളിക്കാൻ സഞ്ജു സാംസണ് ആയിരുന്നില്ല. വെസ്റ്റിന്ഡീസിനെതിരായ ഒന്നാം ടി20യിലും സഞ്ജു സാംസണ് അവസരം ലഭിച്ചിരുന്നില്ല.
എന്നാൽ തിരുവനന്തപുരത്ത് സഞ്ജുവിന് അവസരം ലഭിക്കുമെന്നാണ് ആരാധകരുടെ പ്രതീക്ഷ. കഴിഞ്ഞ മത്സരത്തിൽ ഓപ്പണറായി ഇറങ്ങിയ കെ.എൽ രാഹുൽ മികച്ച പ്രകടനം പുറത്തെടുത്തതോടെ ഓപ്പണിങ് സ്ഥാനത്ത് സഞ്ജുവിന് സ്ഥാനം ലഭിക്കാനുള്ള സാധ്യത വിരളമാണ്. എന്നിരുന്നാലും സഞ്ജുവിന് മലയാളി മണ്ണിൽ കളിക്കാൻ അവസരം ലഭിക്കുമെന്ന് തന്നെയാണ് ആരാധകരുടെ പ്രതീക്ഷ.
ആദ്യം പ്രഖ്യാപിച്ച ഇന്ത്യൻ ടീമിൽ സഞ്ജു ഇല്ലായിരുന്നെങ്കിലും ഇന്ത്യൻ ഓപണർ ശിഖർ ധവാൻ പരിക്കേറ്റ് പുറത്തുപോയതോടെയാണ് സഞ്ജുവിന് ഇന്ത്യൻ ടീമിൽ അവസരം ലഭിച്ചത്.
