സച്ചിന്‍ ചെയ്തത് പോലെ പന്ത് ഓപ്പണിംഗിലേക്ക് വരണം – സഞ്ജയ് ബംഗാര്‍

മോശം ഫോമിലൂടെ കടന്ന് പോകുന്ന ഋഷഭ് പന്തിന് പരിഹാരവുമായി മുന്‍ ഇന്ത്യന്‍ ഓള്‍റൗണ്ടര്‍ സഞ്ജയ് ബംഗാര്‍. സച്ചിന്‍ ടെണ്ടുല്‍ക്കര്‍ 75 മത്സരങ്ങള്‍ക്ക് ശേഷം തന്റെ ആദ്യ ശതകം നേടിയത് മധ്യ നിരയിൽ നിന്ന് മാറി ഓപ്പണിംഗിൽ കളിക്കാന്‍ തുടങ്ങിയപ്പോളാണെന്നും സമാനമായ രീതിയിൽ ഋഷഭ് പന്ത് ഇന്ത്യയ്ക്കായി ഓപ്പൺ ചെയ്യണമെന്നാണ് സഞ്ജയ് ബംഗാര്‍ വ്യക്തമാക്കി.

ആഡം ഗിൽക്രിസ്റ്റ് ഓസ്ട്രേലിയയ്ക്കായി ചെയ്തത് പോലെ ഋഷഭ് പന്ത് ഇന്ത്യയ്ക്ക് വേണ്ടി ഈ പൊസിഷനിൽ തിളങ്ങുവാന്‍ കഴിയുന്ന താരമാണെന്നും ബംഗാര്‍ കൂട്ടിചേര്‍ത്തു. ഇഷാന്‍ കിഷന്‍ ഇപ്പോള്‍ മികച്ച രീതിയിലാണ് ബാറ്റ് വീശുന്നത് എന്നത് ശരി തന്നെ എന്നാൽ പന്തിനും ഈ സ്ഥാനത്ത് തിളങ്ങാനാകുമെന്നാണ് താന്‍ കരുതുന്നതെന്ന് ബംഗാര്‍ സൂചിപ്പിച്ചു.