നേപ്പാള്‍ താരം സന്ദീപ് ലാമിച്ചാനെയ്ക്ക് കോവിഡ്

- Advertisement -

നേപ്പാള്‍ താരം സന്ദീപ് ലാമിച്ചാനെയ്ക്ക് കോവിഡ്. താരം തന്നെ തന്റെ സോഷ്യല്‍ മീഡിയ അക്കൗണ്ടിലൂടെയാണ് വിവരം പുറത്ത് വിട്ടത്. തനിക്ക് ചെറിയ ശരീര വേദനയുണ്ടായിരുന്നുവെന്നും എന്നാല്‍ ഇപ്പോള്‍ താന്‍ മെച്ചപ്പെട്ട് വരികയാണെന്നും ഉടന്‍ തിരികെ എത്താനാകുമെന്നുമാണ് താരം ട്വിറ്ററില്‍ കുറിച്ചത്.

ബിഗ് ബാഷില്‍ അടുത്തിടെ ഹോബാര്‍ട്ട് ഹറികെയന്‍സുമായി കരാറിലെത്തിയ താരം ഇതിന് മുമ്പ് മെല്‍ബേണ്‍ സ്റ്റാര്‍സിന് വേണ്ടി കളിച്ചിട്ടുണ്ട്. ഐപിഎലില്‍ ഡല്‍ഹി ക്യാപിറ്റല്‍സ് ടീമിലംഗമായിരുന്ന താരത്തിന് എന്നാല്‍ അവസരം ലഭിച്ചിരുന്നില്ല.

നേപ്പാള്‍ ടീമില്‍ ക്യാപ്റ്റന്‍ ഗ്യാനനേന്ദ്ര മല്ല, വൈസ് ക്യാപ്റ്റന്‍ ദീപേന്ദ്ര സിംഗ് ഐറീ, രോഹിത് പൗഡല്‍ എന്നിവര്‍ നേരത്തെ കൊറോണ പോസിറ്റീവായി മാറിയിരുന്നു.

Advertisement