ഇംഗ്ലണ്ടിന്റെ ഡിക്ലറേഷന് ശേഷം തങ്ങളുടെ ഒന്നാം ഇന്നിംഗ്സ് ബാറ്റിംഗിനിറങ്ങിയ വെസ്റ്റിന്‍ഡീസ് രണ്ടാം ദിവസത്തെ കളി അവസാനിക്കുമ്പോള്‍ 32/1 എന്ന നിലയില്‍. 14 ഓവറുകള്‍ കടന്ന് കൂടിയ ടീമിന് ഓപ്പണര്‍ ജോണ്‍ കാംപെല്ലിന്റെ വിക്കറ്റ് നഷ്ടമായി. 12 റണ്‍സ് നേടിയ താരത്തെ സാം കറന്‍ ആണ് പുറത്താക്കിയത്.
രണ്ടാം വിക്കറ്റില്‍ 16 റണ്‍സുമായി അല്‍സാരി ജോസഫ്-ക്രെയിഗ് ബ്രാത്‍വൈറ്റ് കൂട്ടുകെട്ടാണ് ക്രീസിലുള്ളത്. അല്‍സാരി ജോസഫ് 14 റണ്‍സും ക്രെയിഗ് ബ്രാത്‍വൈറ്റ് 6 റണ്‍സുമാണ് നേടിയിട്ടുള്ളത്.
നേരത്തെ ഇംഗ്ലണ്ട് തങ്ങളുടെ ആദ്യ ഇന്നിംഗ്സ് 9 വിക്കറ്റ് നഷ്ടത്തില്‍ 469 റണ്‍സില്‍ ഡിക്ലയര്‍ ചെയ്യുകയായിരുന്നു.
