ഇംഗ്ലണ്ടിനെതിരെയുള്ള ടെസ്റ്റ് പരമ്പരയില്‍ സാഹയുടെ പങ്കാളിത്തം സംശയത്തിലെന്ന് സൂചനകള്‍. ഐപിഎലിനിടെ ഏറ്റ പരിക്കില്‍ നിന്ന് താരം ഇതുവരെ പൂര്‍ണ്ണായും ഭേദപ്പെട്ടിട്ടില്ലെന്നാണ് ഇപ്പോള്‍ ലഭിക്കുന്ന വിവരം. നിലവില്‍ ജസ്പ്രീത് ബുംറയുടെ സേവനം ടി20യിലും ഏകദിനങ്ങളിലും നഷ്ടമായ ഇന്ത്യയ്ക്ക് വാഷിംഗ്ടണ്‍ സുന്ദറിനെയും നഷ്ടമായിരുന്നു.
അതേ സമയം ജസ്പ്രീത് ബുംറ ടെസ്റ്റിനു ഫിറ്റ്നെസ് തെളിയിക്കുന്നതിന്റെ ഭാഗമായി താരത്തിനെ ഏകദിനങ്ങളില്‍ നിന്നും വിശ്രമം അനുവദിക്കുകയായിരുന്നു. ഐപിഎലില്‍ ശിവം മാവിയുടെ പന്തില്‍ നിന്നാണ് സാഹയ്ക്ക് പരിക്കേറ്റത്. മെഡിക്കല്‍ ടീമില്‍ നിന്ന് ലഭിക്കുന്ന സൂചന പ്രകാരം പരിക്ക് വിചാരിച്ചതിലും ഗുരുതരമാണെന്നാണ് മനസ്സിലാക്കുന്നത്.
പരിക്ക് ഭേദമാകാത്ത പക്ഷം ദിനേശ് കാര്‍ത്തിക്ക് ടീമിലെത്തിയേക്കും. അഫ്ഗാനിസ്ഥാനെതിരെ സാഹയ്ക്ക് പകരം ദിനേശ് കാര്‍ത്തിക്കിനെയാണ് ഇന്ത്യ മത്സരത്തിനിറക്കിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
