ന്യൂസിലാണ്ടിനെതിരെയുള്ള ടി20 പരമ്പരയിൽ നിന്ന് ഇന്ത്യയുടെ റുതുരാജ് ഗായക്വാഡ് പുറത്ത്. 25 വയസ്സുകാരന് താരം കൈക്കുഴയ്ക്ക് പരിക്ക് കാരണം ആണ് പുറത്ത് പോകുന്നത്. താരം ബെംഗളുരൂവിലെ നാഷണൽ ക്രിക്കറ്റ് അക്കാഡമിയിൽ റീഹാബ് നടപടികള്ക്കായി ചേര്ന്നിട്ടുണ്ട്.
ഹൈദ്രാബാദിനെതിരെയുള്ള മഹാരാഷ്ട്രയുടെ രഞ്ജി മത്സരത്തിൽ പങ്കെടുത്ത ശേഷം ആണ് താരം ബിസിസിഐയെ പരിക്കിനെക്കുറിച്ച് അറിയിച്ചത്. കഴിഞ്ഞ വര്ഷത്തെ ശ്രീലങ്കയ്ക്കെതിരെയുള്ള ടി20 പരമ്പരയും താരത്തിന് സമാനമായ പരിക്ക് കാരണം നഷ്ടമായിരുന്നു.
