Local Sports News in Malayalam

അഞ്ചാം വിക്കറ്റ് പാട്രിയറ്റ്സിനെ കാത്തു, 21 റൺസ് വിജയം

ബാര്‍ബഡോസ് റോയല്‍സിനെതിരെ 21 റൺസിന്റെ മികച്ച വിജയം നേടി സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സ്. ഇന്നലെ നടന്ന രണ്ടാം മത്സരത്തിൽ ടോപ് ഓര്‍ഡര്‍ തകര്‍ന്ന് 39/4 എന്ന നിലയിലേക്ക് വീണ പാട്രിയറ്റ്സിന്റെ തിരിച്ചുവരവ് 5ാം വിക്കറ്റിൽ 116 റൺസ് നേടിയ ഷെര്‍ഫാന്‍ റൂഥര്‍ഫോര്‍ഡ് – ഡ്വെയിന്‍ ബ്രാവോ കൂട്ടുകെട്ടിന്റെ മികവിലായിരുന്നു.

റൂഥര്‍ഫോര്‍ഡ് 53 റൺസും ബ്രാവോ പുറത്താകാതെ 47 റൺസും നേടിയപ്പോള്‍ 7 പന്തിൽ 19 റൺസുമായി ഫാബിയന്‍ അല്ലനും 175/5 എന്ന സ്കോറിലേക്ക് പാട്രിയറ്റ്സിനെ എത്തുവാന്‍ സഹായിച്ചു. റോയൽസിന് വേണ്ടി ഒഷേന്‍ തോമസ് മൂന്ന് വിക്കറ്റ് നേടി.

ഷായി ഹോപും(44), അസം ഖാനും(28) മാത്രം റോയല്‍സ് നിരയിൽ തിളങ്ങിയപ്പോള്‍ 7 വിക്കറ്റ് നഷ്ടത്തിൽ 154 റൺസ് മാത്രമേ ബാര്‍ബഡോസ് റോയല്‍സിന് നേടാനായുള്ളു. ഷെൽഡൺ കോട്രെൽ, ഡൊമിനിക് ഡ്രേക്ക്സ് എന്നിവര്‍ പാട്രിയറ്റ്സിനായി രണ്ട് വീതം വിക്കറ്റ് നേടി.

 

You might also like