വിരമിക്കലിനെ കുറിച്ച് ഇപ്പോൾ ആലോചിക്കുന്നില്ലെന്നും ടീമിനൊപ്പം ലോകകപ്പ് നേടുന്നതിൽ താൽപ്പര്യമുണ്ടെന്നും ഇന്ത്യൻ ക്യാപ്റ്റൻ രോഹിത് ശർമ്മ പറഞ്ഞു. ബ്രേക്ക്ഫാസ്റ്റ് വിത്ത് ചാമ്പ്യൻസിൻ്റെ പ്രത്യേക പതിപ്പിൽ എഡ് ഷീരനോടും ഗൗരവ് കപൂറിനോടും സംസാരിക്കുന്നതിനിടയിൽ ആണ് രോഹിത് ഭാവിയെ കുറിച്ച് സംസാരിച്ചത്. കുറച്ച് വർഷങ്ങൾ കൂടി കളിക്കാൻ ആഗ്രഹിക്കുന്നു എന്നും രോഹിത് പറഞ്ഞു.
“റിട്ടയർമെൻ്റിനെക്കുറിച്ച് ഞാൻ ശരിക്കും ചിന്തിച്ചിട്ടില്ല. പക്ഷേ, ജീവിതം നിങ്ങളെ എവിടേക്കാണ് കൊണ്ടുപോകുന്നതെന്ന് എനിക്കറിയില്ല. ഈ സമയത്തും ഞാൻ നന്നായി കളിക്കുന്നു – അതിനാൽ ഞാൻ കുറച്ച് വർഷങ്ങൾ കൂടി തുടരുമെന്ന് ഞാൻ കരുതുന്നു.” രോഹിത് പറഞ്ഞു.
“എനിക്ക് ലോകകപ്പ് നേടണമെന്ന് ആഗ്രഹമുണ്ട്, 2025-ൽ ഒരു ഡബ്ല്യുടിസി ഫൈനൽ ഉണ്ട്, ഇന്ത്യ അത് നേടുമെന്ന് പ്രതീക്ഷിക്കുന്നു,” രോഹിത് പറഞ്ഞു.
“50 ഓവർ ലോകകപ്പാണ് എനിക്ക് യഥാർത്ഥ ലോകകപ്പ്. ആ ലോകകപ്പ് കണ്ടാണ് ഞങ്ങൾ വളർന്നത്. ഫൈനൽ വരെ ഞങ്ങൾ നന്നായി കളിച്ചു. സെമിഫൈനൽ ജയിച്ചപ്പോൾ ഞാൻ വിചാരിച്ചു, ഇനി നമ്മൾ ഒരു ചുവട് മാത്രം അകലെയാണ്. ഞങ്ങൾ എല്ലാ കാര്യങ്ങളും ശരിയായി ചെയ്യുന്നു എന്ന്.” രോഹിത് പറഞ്ഞു.
“നമുക്കെല്ലാവർക്കും ഒരു മോശം ദിവസമുണ്ടാകേണ്ടതായിരുന്നു, അത് ഞങ്ങളുടെ മോശം ദിവസമാണെന്ന് ഞാൻ ഊഹിക്കുന്നു. ആ ഫൈനലിൽ ഞങ്ങൾ മോശം ക്രിക്കറ്റ് കളിച്ചുവെന്ന് കരുതുന്നില്ല, ചില കാര്യങ്ങൾ ഞങ്ങളുടെ വഴിക്ക് പോയില്ല. ഓസ്ട്രേലിയ ഞങ്ങളെക്കാൾ അൽപ്പം മികച്ചതായിരുന്നു,” രോഹിത് പറഞ്ഞു.
