കാന്‍പൂരിലെ ഗ്രീന്‍ പാര്‍ക്കിൽ ഇന്ന് നടക്കാനിരുന്ന ഇന്ത്യ – വെസ്റ്റിന്‍ഡീസ് ഇതിഹാസങ്ങളുടെ മത്സരം ഉപേക്ഷിച്ചു. മഴ കാരണം ഗ്രൗണ്ട് മത്സര സജ്ജമല്ലാതിരുന്നതിനാലാണ് ഈ തീരുമാനം. റോഡ് സേഫ്ടി ലോക സീരീസ് ടി20യുടെ ഭാഗമായാണ് മത്സരങ്ങള്‍ സംഘടിപ്പിക്കുന്നത്.
ആദ്യ മത്സരത്തിൽ ദക്ഷിണാഫ്രിക്ക ലെജന്‍ഡ്സിനെതിരെ ഇന്ത്യയ്ക്ക് 61 റൺസ് വിജയം നേടാനായിരുന്നു. വെസ്റ്റിന്‍ഡീസ് ലെജന്‍ഡ്സ് ആകട്ടെ ബംഗ്ലാദേശിനെതിരെ ആദ്യ മത്സരത്തിൽ 6 വിക്കറ്റ് വിജയം നേടി.
4 പോയിന്റ് നേടിയ ശ്രീലങ്കയ്ക്ക് പിന്നിലായി മൂന്ന് പോയിന്റ് വീതം നേടി ഇന്ത്യയും വെസ്റ്റിന്‍ഡീസും നിലകൊള്ളുന്നു.
