ഏഷ്യ കപ്പിലെ ഫോം തുടര്‍ന്ന് റിസ്വാന്‍, ഇംഗ്ലണ്ടിനെതിരെ 158 റൺസ് നേടി പാക്കിസ്ഥാന്‍

Sports Correspondent

Mohammadrizwan
Download the Fanport app now!
Appstore Badge
Google Play Badge 1

കറാച്ചിയിൽ ടോസ് നഷ്ടമായി ആദ്യം ബാറ്റിംഗിനിറങ്ങിയ പാക്കിസ്ഥാന് 158 റൺസ്. 7 വിക്കറ്റ് നഷ്ടത്തിലാണ് പാക്കിസ്ഥാന്‍ ഈ സ്കോര്‍ നേടിയത്. മൊഹമ്മദ് റിസ്വാന്റെയും ബാബര്‍ അസമിന്റെയും ഒന്നാം വിക്കറ്റ് കൂട്ടുകെട്ട് നൽകിയ 85 റൺസ് തുടക്കത്തിന്റെ ബലത്തിൽ ആണ് പാക്കിസ്ഥാന്‍ ഈ സ്കോര്‍ നേടിയത്.

ബാബര്‍ 31 റൺസ് നേടി പുറത്തായപ്പോള്‍ തന്റെ മികച്ച ഫോം തുടര്‍ന്ന റിസ്വാന്‍ തന്റെ അര്‍ദ്ധ ശതകം തികയ്ക്കുകയായിരുന്നു. 46 പന്തിൽ 68 റൺസ് നേടിയ റിസ്വാന്‍ പുറത്താകുമ്പോള്‍ പാക്കിസ്ഥാന്‍ 117/3 എന്ന നിലയിലായിരുന്നു. പിന്നീട് അരങ്ങേറ്റക്കാരന്‍ ലൂക്ക് വുഡ് മൂന്ന് വിക്കറ്റുകള്‍ വീഴ്ത്തിയപ്പോള്‍ പാക്കിസ്ഥാന്റെ സ്കോര്‍ 158/7 എന്ന നിലയിൽ ഒതുങ്ങി. ഇഫ്തിക്കര്‍ അഹമ്മദ് 28 റൺസ് നേടി.