ഋഷഭ് പന്താണ് ഇംഗ്ലണ്ടില്‍ ഇന്ത്യയുടെ ഒന്നാം നമ്പര്‍ കീപ്പറെന്ന് പറഞ്ഞ് വൃദ്ധിമന്‍ സാഹ. ലോക ടെസ്റ്റ് ചാമ്പ്യന്‍ഷിപ്പില്‍ മികച്ച പ്രകടനം കാഴ്ചവെച്ച പന്ത് ആ പ്രകടനം തുടരുമെന്നാണ് താന്‍ കരുതുന്നതെന്നും ഇംഗ്ലണ്ടില്‍ താരത്തിനാണ് ടീമില്‍ ഇടം പിടിക്കാന്‍ സാധ്യതയെന്നും ഒരു കാലത്ത് ഇന്ത്യ ടെസ്റ്റില്‍ ഒന്നാം നമ്പര്‍ കീപ്പറായി പരിഗണിച്ചിരുന്ന സാഹ പറഞ്ഞു.
താന്‍ തന്റെ അവസരങ്ങള്‍ക്കായി കാത്തിരിക്കുമെന്നും എന്തെങ്കിലും അവസരം ലഭിച്ചാല്‍ അത് പ്രയോജനപ്പെടുത്തുവാന്‍ ശ്രമിക്കുമെന്നും താരം പറഞ്ഞു. ഇംഗ്ലണ്ടിലേക്കുള്ള സ്ക്വാഡില്‍ കോവിഡ് മോചിതനായ സാഹയെ ഉള്‍പ്പെടുത്തിയിട്ടുണ്ടെങ്കിലും താരത്തിന് കവര്‍ എന്ന നിലയില്‍ കെഎസ് ഭരതിനെയും സ്ക്വാഡില്‍ ഉള്‍പ്പെടുത്തിയിട്ടുണ്ട്.
