റൈലി റൂസോയെ ടി20 ബ്ലാസ്റ്റിനായി ടീമിലെത്തിച്ച് സോമര്‍സെറ്റ്

ഈ സീസൺ ടി20 ബ്ലാസ്റ്റിൽ റൈലി റൂസോ സോമര്‍സെറ്റിനായി കളിക്കും. വിവിധ ടി20 ലീഗിൽ കളിച്ച താരം റോയൽ ചലഞ്ചേഴ്സ് ബാംഗ്ലൂര്‍, മെൽബേൺ റെനഗേഡ്സ് എന്നിവര്‍ക്ക് പുറമെ ഈ സീസണിൽ മുൽത്താന്‍ സുൽത്താന്‍സിന് വേണ്ടിയും കളിച്ചിട്ടുണ്ട്. ടി20 ബ്ലാസ്റ്റിലെ എല്ലാ മത്സരങ്ങളിലും ദക്ഷിണാഫ്രിക്കന്‍ താരം ടീമിനൊപ്പം ഉണ്ടാകും.

മുമ്പ് ഹാംഷയറിന് വേണ്ടി താരം കളിച്ചിട്ടുണ്ട്. കഴിഞ്ഞ വര്‍ഷം ബ്ലാസ്റ്റിൽ ഫൈനലിലെത്തിയ ടീമാണ് സോമര്‍സെറ്റ് എന്നും ഇത്തവണ ഒരു പടി കൂടി മെച്ചപ്പെടുവാന്‍ ടീമിനെ സഹായിക്കുക എന്നതാണ് തന്റെ ലക്ഷ്യം എന്നും റൂസോ വ്യക്തമാക്കി.