ന്യൂ കിഡ്സിനെ കീഴടക്കി ചാമ്പ്യന്മാരായി രഞ്ജി സിസി

- Advertisement -

പ്രതാപചന്ദ്രന്‍ മെമ്മോറിയല്‍ ഓള്‍ കേരള ടീന്‍സ് ക്രിക്കറ്റ് ടൂര്‍ണ്ണമെന്റില്‍ രഞ്ജി സിസി ചാമ്പ്യന്മാര്‍. ഇന്നലെ മംഗലപുരം കെസിഎ ഗ്രൗണ്ടില്‍ നടന്ന ഫൈനല്‍ മത്സരത്തില്‍ ന്യൂ കിഡ്സ് ചെങ്ങന്നൂരിനെ 135 റണ്‍സിനു പരാജയപ്പെടുത്തിയാണ് രഞ്ജി സിസിയുടെ കിരീട നേട്ടം. ആദ്യം ബാറ്റ് ചെയ്ത രഞ്ജി സിസി 249/9 എന്ന സ്കോര്‍ 45 ഓവറില്‍ നേടിയപ്പോള്‍ ന്യൂ കിഡ്സ് 144 റണ്‍സിനു ഓള്‍ഔട്ട് ആകുകയായിരുന്നു.

രഞ്ജി സിസിയ്ക്ക് വേണ്ടി തകര്‍പ്പന്‍ ശതകവുമായി ഒമര്‍ അബൂബക്കര്‍ തിളങ്ങിയപ്പോള്‍ രോഹിത് നായര്‍ 47 റണ്‍സ് നേടി മികച്ച പിന്തുണ നല്‍കി. ഒമര്‍ 131 റണ്‍സാണ് നേടിയത്. ന്യൂ കിഡ്സിനു വേണ്ടി ഉജ്വല്‍ കൃഷ്ണ 31 റണ്‍സ് നേടിയപ്പോള്‍ രഞ്ജി ബൗളര്‍മാരില്‍ 3 വിക്കറ്റ് നേടി അഭി ബിജു തിളങ്ങി.

Omar Abubaker Renji CC. best batsman, player of the tournament, player of the final

രഞ്ജി സിസിയുടെ ഒമര്‍ അബൂബക്കറിനെ കളിയിലെ താരം, മികച്ച ബാറ്റ്സ്മാന്‍, ടൂര്‍ണ്ണമെന്റിലെ താരം എന്നീ പുരസ്കാരങ്ങള്‍ നല്‍കി ആദരിച്ചു. ന്യൂ കിഡ്സ് സിസിയുടെ സുധി അനില്‍ ആണ് ടൂര്‍ണ്ണമെന്റിലെ മികച്ച ബൗളര്‍.

Sudhi Anil (best bowler)
Advertisement