ടെസ്റ്റിലേക്ക് രോഹിത് മടങ്ങിയെത്തുവാനുള്ള കാരണം വിശദമാക്കി എംഎസ്‍കെ പ്രസാദ്

- Advertisement -

ഓസ്ട്രേലിയയില്‍ രോഹിത് ശര്‍മ്മയുടെ കേളി ശൈലി ഏറെ ഉപകാരപ്പെടുമെന്നും അതാണ് താരത്തെ പതിനൊന്ന് മാസങ്ങള്‍ക്ക് ശേഷം ടെസ്റ്റ് ടീമിലേക്ക് ഉള്‍പ്പെടുത്തുവാനുള്ള കാരണമെന്നും വ്യക്തമാക്കി മുഖ്യ സെലക്ടര്‍ എംഎസ്‍കെ പ്രസാദ്. ജനുവരിയില്‍ സെഞ്ചൂറിയണില്‍ ദക്ഷിണാഫ്രിക്കയ്ക്കെതിരെ ടെസ്റ്റ് കളിച്ച ശേഷം രോഹിത് ശര്‍മ്മ ഇന്ത്യയ്ക്കായി ടെസ്റ്റില്‍ കളിച്ചിരുന്നില്ല. രോഹിത് ശര്‍മ്മ ബാക്ക് ഫുട്ടില്‍ മികച്ച ഒരു താരമാണെന്നാണ് പ്രസാദ് അഭിപ്രായപ്പെട്ടത്. അത് ഓസ്ട്രേലിയയില്‍ ഗുണം ചെയ്യുമെന്ന് കരുതുന്നുവെന്നും പ്രസാദ് അഭിപ്രായപ്പെട്ടു.

2013ല്‍ വിന്‍ഡീസിനെതിരെ കൊല്‍ക്കത്തയില്‍ അരങ്ങേറ്റത്തില്‍ 177 റണ്‍സ് നേടി കഴിവ് തെളിയിച്ചിരുന്നുവെങ്കിലും ഇന്ത്യയ്ക്കായി പിന്നീട് 25 ടെസ്റ്റുകളില്‍ മാത്രമാണ് താരത്തിനു കളിക്കാനായിട്ടുള്ളത്. മൂന്ന് ശതകങ്ങളും താരം അടിച്ചെടുത്തിട്ടുണ്ട്.

Advertisement