രഞ്ജി ട്രോഫിയിൽ മുംബൈക്ക് ഞെട്ടിക്കുന്ന തോൽവി. റെയിൽവേസ് ആണ് കരുത്തരായ മമുംബൈയെ 10 വിക്കറ്റിന് തോൽപ്പിച്ചത്. ജയത്തോടെ രഞ്ജി ട്രോഫിയിൽ വിലപ്പെട്ട 7 പോയിന്റ് സ്വന്തമാക്കാനും റെയിൽവേസിനായി.
ആദ്യം ബാറ്റ് ചെയ്ത മുംബൈ 114 റൺസിന് ഓൾ ഔട്ട് ആവുകയായിരുന്നു. 6 വിക്കറ്റ് എടുത്ത പ്രദീപിന്റെ പ്രകടനമാണ് മുംബൈയുടെ തകർച്ചക്ക് വഴി ഒരുക്കിയത്. തുടർന്ന് ബാറ്റ് ചെയ്ത റെയിൽവേസ് ക്യാപ്റ്റൻ കാൻ ശർമ്മയുടെ സെഞ്ചുറിയുടെ പിൻബലത്തിൽ 266 റൺസ് എടുക്കുകയായിരുന്നു. തുടർന്ന് കൂറ്റൻ ലീഡ് വഴങ്ങി രണ്ടാം ഇന്നിംഗ്സ് ബാറ്റിങ്ങിന് ഇറങ്ങിയ മുംബൈ രണ്ടാം ഇന്നിങ്സിൽ 198 റൺസിന് ഓൾ ഔട്ട് ആയി. തുടർന്ന് ജയിക്കാൻ ആവശ്യമായ 47 റൺസ് വിക്കറ്റ് ഒന്നും നഷ്ടമാവാതെ റെയിൽവേസ് എടുക്കുകയായിരുന്നു.
