മധ്യ പ്രദേശിനെതിരെ വിജയം നേടുവാന്‍ കേരളത്തിനു ഇനി വീഴ്ത്തേണ്ടത് എട്ട് വിക്കറ്റ് കൂടി. തങ്ങളുടെ രണ്ടാം ഇന്നിംഗ്സ് 455 റണ്‍സില്‍ അവസാനിച്ച ശേഷം മത്സരത്തിന്റെ അന്തിമ ദിനത്തില്‍ ലഞ്ചിനായി ടീമുകള്‍ പിരിയുമ്പോള്‍ മധ്യ പ്രദേശ് 42/2 എന്ന നിലയിലാണ്. 149 റണ്‍സ് കൂടിയാണ് മധ്യ പ്രദേശ് മത്സരം വിജയിക്കുവാന്‍ നേടേണ്ടത്.
വിഷ്ണു വിനോദും(193*) ബേസില്‍ തമ്പിയും ചേര്‍ന്ന് കേരളത്തിനെ മികച്ച സ്കോറിലേക്ക് നയിക്കുകയായിരുന്നു. തമ്പി 57 റണ്‍സ് നേടി പുറത്തായി. മധ്യ പ്രദേശിനു വേണ്ടി രജത് പഡിദര്‍ ആണ് ക്രീസില്‍ ഏഴ് റണ്‍സുമായി നില്‍ക്കുന്നത്. ആര്യമന്‍ വിക്രം ബിര്‍ള(23), മോഹ്നിഷ് മിശ്ര(12) എന്നിവരാണ് പുറത്തായ താരം. ബിര്‍ള റണ്ണൗട്ടായപ്പോള്‍ മിശ്രയെ അക്ഷയ് കെസി പുറത്താക്കി.
