രഞ്ജി ട്രോഫിയിൽ കേരളത്തിന് വീണ്ടും വലിയ ഒരു പരാജയം. ആന്ധ്രാപ്രദേശ് 7 വിക്കറ്റുകളുടെ വിജയമാണ് കേരളത്തിനെതിരെ സ്വന്തമാക്കിയത്. രണ്ടാം ഇന്നിങ്സിലും വൻ ബാറ്റിങ് തകർച്ച നേരിട്ട കേരളം 135 റൺസിന് ഓൾ ഔട്ടായിരുന്നു. ഇതോടെ ആന്ധ്രയ്ക്ക് 43 റൺസ് മാത്രമായി വിജയ ലക്ഷ്യം. ആ ലക്ഷ്യം പിന്തുടർന്ന ആന്ധ്ര വെറും 3 വിക്കറ്റ് മാത്രം നഷ്ടത്തിൽ ലക്ഷ്യം കണ്ടു.
ഇന്നലെ ആന്ധ്രാപ്രദേശിന്റെ ആദ്യ ഇന്നിങ്സ് 255 റൺസിൽ അവസാനിപ്പിച്ച കേരളം 93 റൺസിന്റെ ആദ്യ ഇന്നിങ്സ് ലീഡ് വഴങ്ങിയിരുന്നു. ഇന്ന് രണ്ടാം ഇന്നിങ്സ് ആരംഭിച്ച കേരളം തുടക്കം മുതൽ തന്നെ പതറുകയായിരുന്നു. കേരളത്തിനു വേണ്ടി റോബിൻ ഉത്തപ്പ 22 റൺസും രോഹൻ പ്രേം 24 റൺസ് എടുത്തു. ബാക്കി ആർക്കും കാര്യമായി ഒന്നും ചെയ്യാനായില്ല. മാറ്റങ്ങൾ ഏറെ വരുത്തിയിട്ടും വിജയമില്ലാതെ കഷ്ടപ്പെടുന്ന കേരളത്തെ തന്നെയാണ് ആന്ധ്രയ്ക്ക് എതിരെയും കാണാൻ ആയത്.
