ബംഗാളിനെതിരെ കേരളത്തിന്റെ നില പരുങ്ങലില്‍, പ്രതീക്ഷയായി സഞ്ജു സാംസണ്‍

- Advertisement -

ബംഗാളിനെതിരെ രഞ്ജി ട്രോഫി മത്സരത്തില്‍ കേരളത്തിന് മോശം തുടക്കം. ഇന്ന് തുമ്പ സെയിന്റ് സേവിയേഴ്സ് ക്രിക്കറ്റ് ഗ്രൗണ്ടില്‍ ആരംഭിച്ച മത്സരത്തില്‍ കേരളം ടോസ് നേടി ബാറ്റിംഗ് തിരഞ്ഞെടുക്കുകയായിരുന്നു. എന്നാല്‍ തുടക്കം തന്നെ പാളിയ കേരളത്തിന് ആദ്യ ഓവറുകളില്‍ തന്നെ ഓപ്പണര്‍മാരായ രാഹുലിനെയും(5) ജലജ് സക്സേനയെയും(9) നഷ്ടമായി. 15/2 എന്ന നിലയില്‍ നിന്ന് സഞ്ജു സാംസണും-സച്ചിന്‍ ബേബിയും ചേര്‍ന്ന് മൂന്നാം വിക്കറ്റില്‍ 38 റണ്‍സ് നേടിയെങ്കിലും അശോക് ഡിന്‍ഡ സച്ചിന്‍ ബേബിയെ പുറത്താക്കി. 10 റണ്‍സാണ് താരം നേടിയത്.

ഒന്നാം ദിവസം ഉച്ച ഭക്ഷണത്തിനായി പിരിയുമ്പോള്‍ കേരളം 89 റണ്‍സാണ് 3 വിക്കറ്റ് നഷ്ടത്തില്‍ നേടിയിട്ടുള്ളത്.  തന്റെ അര്‍ദ്ധ ശതകത്തിന് 4 റണ്‍സ് അകലെ എത്തി നില്‍ക്കുന്ന സഞ്ജു സാംസണും 12 റണ്‍സുമായി റോബിന്‍ ഉത്തപ്പയുമാണ് ക്രീസിലുള്ളത്. ഇരുവരും ചേര്‍ന്ന് 36 റണ്‍സാണ് ഇതുവരെ നേടിയിട്ടുള്ളത്.

Advertisement