ബംഗ്ലാദേശിന്റെ സ്പിന്‍ ബൗളിംഗ് കൺസള്‍ട്ടന്റായി രംഗന ഹെരാത്ത് എത്തുന്നു. ബംഗ്ലാദേശിന്റെ ന്യൂസിലാണ്ട് പര്യടനത്തിനാണ് മുന്‍ ശ്രീലങ്കന്‍ താരത്തിന്റെ സേവനം ബോര്‍ഡ് ഉറപ്പാക്കിയിരിക്കുന്നത്. ടി20 ലോകകപ്പിന്റെ സമയത്തും ഹെരാത്ത് ബംഗ്ലാദേശുമായി കരാറിലെത്തിയിരുന്നു.
എന്നാൽ ബംഗ്ലാദേശ് പാക്കിസ്ഥാന്‍ പരമ്പരയിൽ ഹെരാത്ത് ടീമിനൊപ്പമുണ്ടായിരുന്നില്ല. ഹെരാത്തിനെ നീണ്ട കാലയളവിലേക്ക് ടീമിനൊപ്പമെത്തിക്കുവാന്‍ ബോര്‍ഡ് ശ്രമിക്കുകയാണെന്ന് ബംഗ്ലാദേശ് ക്രിക്കറ്റ് ബോര്‍ഡ് ക്രിക്കറ്റ് ഓപ്പറേഷന്‍സ് ചീഫ് അക്രം ഖാന്‍ വ്യക്തമാക്കി.
