ഇന്ത്യ എ – ദക്ഷിണാഫ്രിക്ക എ എന്നിവരുടെ നാലാം ഏകദിന മത്സരം ഇന്നത്തെ ദിവസത്തേക്ക് ഉപേക്ഷിച്ചു. തിരുവനന്തപുരത്തെ കനത്ത മഴയെത്തുടര്‍ന്ന് പലയാവര്‍ത്തി മത്സരത്തില്‍ തടസ്സം നേരിട്ട ശേഷം ഇന്ന് ഇനി കളി നടക്കില്ലെന്ന സാഹചര്യം ഉടലെടുക്കുകയായിരുന്നു. മത്സരത്തിന് റിസര്‍വ്വ് ഡേയുള്ളതിനാല്‍ നാളെ ഇന്ന് അവസാനിച്ച നിലയില്‍ നിന്ന് മത്സരം പുനരാരംഭിക്കും.
നേരത്തെ 25 ഓവറില്‍ നിന്ന് ദക്ഷിണാഫ്രിക്ക 137 റണ്‍സാണ് ഒരു വിക്കറ്റ് നേടിയത്. റീസ ഹെന്‍ഡ്രിക്സ് 60 റണ്‍സും ടെംബ ബാവുമ 28 റണ്‍സ് നേടി റിട്ടയര്‍ ഹര്‍ട്ട് ചെയ്തപ്പോള്‍ ഹെയിന്‍റിച്ച് ക്ലാസ്സെന്‍ 12 പന്തില്‍ നിന്ന് മൂന്ന് സിക്സ് സഹിതം 21 റണ്‍സ് നേടി. പിന്നീട് ഇന്ത്യയുടെ ലക്ഷ്യം 25 ഓവറില്‍ നിന്ന് 193 റണ്‍സായി പുനഃക്രമീകരിച്ചിരുന്നു.
മറുപടി ബാറ്റിംഗിനിറങ്ങിയ ഇന്ത്യ 7.4 ഓവറില്‍ 56 റണ്‍സ് നേടി നില്‍ക്കവെയാണ് വീണ്ടും മഴ വില്ലനായി എത്തിയത്. 12 റണ്‍സ് നേടിയ ശുഭ്മന്‍ ഗില്ലിനെയാണ് ഇന്ത്യയ്ക്ക് നഷ്ടമായത്. 21 പന്തില്‍ നിന്ന് 33 റണ്‍സുമായി ശിഖര്‍ ധവാനും 6 റണ്‍സ് നേടി പ്രശാന്ത് ചോപ്രയുമാണ് ക്രീസിലുള്ളത്. 17.2 ഓവറില്‍ നിന്ന് 9 വിക്കറ്റ് കൈവശമുള്ള ഇന്ത്യ 137 റണ്‍സാണ് വിജയത്തിനായി നേടേണ്ടത്.
