ഇംഗ്ലണ്ടും ഇന്ത്യയും തമ്മിലുള്ള അഞ്ചാമത്തെയും അവസാനത്തെയും ടെസ്റ്റ് ഓവലിൽ ആരംഭിച്ചു. ടോസ് നേടിയ ഇംഗ്ലണ്ട് ബൗളിംഗ് തിരഞ്ഞെടുക്കുകയായിരുന്നു. രാവിലെ 23 ഓവറുകൾ മാത്രമാണ് കളി നടന്നത്. മഴയെ തുടർന്ന് ഉച്ചഭക്ഷണം നേരത്തെയാക്കി. കളി നിർത്തുമ്പോൾ ഇന്ത്യ 72 റൺസിന് 2 വിക്കറ്റ് എന്ന നിലയിലായിരുന്നു.
ഇന്ത്യക്ക് രണ്ട് ഓപ്പണർമാരെയും തുടക്കത്തിൽ തന്നെ നഷ്ടപ്പെട്ടു. യശസ്വി ജയ്സ്വാളിനെ (2) ഗസ് അറ്റ്കിൻസൺ എൽബിഡബ്ല്യുവിൽ കുടുക്കിയപ്പോൾ, കെ എൽ രാഹുലിന്റെ (14) ചെറുത്തുനിൽപ്പ് ക്രിസ് വോക്സ് അവസാനിപ്പിച്ചു. 38 റൺസിന് 2 വിക്കറ്റ് എന്ന നിലയിൽ സന്ദർശകർ സമ്മർദ്ദത്തിലായിരുന്നു. എന്നാൽ, സായ് സുദർശനും (67 പന്തിൽ 25) ക്യാപ്റ്റൻ ശുഭ്മാൻ ഗില്ലും (23 പന്തിൽ 15) ചേർന്ന് തകരാത്ത 34 റൺസിന്റെ കൂട്ടുകെട്ടുണ്ടാക്കി ഇന്നിംഗ്സ് ഭദ്രമാക്കി.
