പാക്കിസ്ഥാന്‍ സൂപ്പര്‍ ലീഗിലെ അവസാന ഘട്ട മത്സരങ്ങള്‍ ഈ വര്‍ഷം തന്നെ നടത്തുവാന്‍ ശ്രമവുമായി പാക്കിസ്ഥാന്‍ ബോര്‍ഡ്

- Advertisement -

പാക്കിസ്ഥാന്‍ സൂപ്പര്‍ ലീഗ് അവസാന ഘട്ടത്തിലേക്ക് കടന്നപ്പോളാണ് കൊറോണ വ്യാപനം മൂലം ലോകം ലോക്ക്ഡൗണിലേക്ക് നീങ്ങിയത്. വിദേശ താരങ്ങളുടെ മടങ്ങിപ്പോകും ക്രിക്കറ്റ് തന്നെ നിര്‍ത്തുവാന്‍ ബോര്‍ഡുകള്‍ തീരുമാനിക്കുകയും ചെയ്തപ്പോള്‍ പാക്കിസ്ഥാന്‍ ബോര്‍ഡും പിഎസ്എല്‍ 2020 നിര്‍ത്തി വെച്ചു.

ഈ വര്‍ഷം തന്നെ ടൂര്‍ണ്ണമെന്റിന്റെ അവശേഷിക്കുന്ന മത്സരങ്ങള്‍ നടത്തുമെന്നാണ് അറിയുന്നത്. പ്ലേ ഓഫ് മത്സരങ്ങള്‍ നടത്തുവാനുള്ള അവസരമായി ബോര്‍ഡ് കാണുന്നത് ടി20 ലോകകപ്പ് മാറ്റി വയ്ക്കുകയാണെങ്കില്‍ ലഭിയ്ക്കുന്ന ജാലകമാണ്.

ശേഷിക്കുന്ന ചുരുക്കം ചില മത്സരങ്ങള്‍ ഈ കാലയളവില്‍ നടത്താനാകുമെന്നാണ് ബോര്‍ഡിന്റെ വിശ്വാസം. ടി20 ലോകകപ്പ് സമയത്തേക്ക് കാര്യങ്ങള്‍ മെച്ചമാകുമെന്നാണ് പ്രതീക്ഷിക്കുന്നത്. അതേ സമയം ഐപിഎല്‍ നടത്തുവാന്‍ ഇന്ത്യന്‍ ബോര്‍ഡും കിണഞ്ഞ് ശ്രമിക്കുന്നുണ്ട്.

Advertisement