ഇംഗ്ലണ്ട് താരം ജെയിംസ് വിന്‍സ് പാക്കിസ്ഥാന്‍ സൂപ്പര്‍ ലീഗില്‍ നിന്ന് പുറത്ത്. മുല്‍ത്താന്‍ സുല്‍ത്താന്‍സിന് വേണ്ടി കളിക്കാനിരുന്ന താരത്തിന്റെ കൊറോണ ഫലം പോസിറ്റീവായതോടെയാണ് ഈ തിരിച്ചടി. സുല്‍ത്താന്‍സിന്റെ രണ്ടാമത്തെ താരത്തിനാണ് കോവിഡ് കാരണം ടീമില്‍ നിന്ന് പുറത്താകുന്നത്. നേരത്തെ ബംഗ്ലാദേശ് താരം മഹമ്മദുള്ളയും സമാനമായ രീതിയില്‍ പുറത്ത് പോയിരുന്നു.
ജോ ഡെന്‍ലിയെയാണ് ഫ്രാഞ്ചൈസി പകരക്കാരന്‍ താരമായി പ്രഖ്യാപിച്ചിരിക്കുന്നത്. എന്നാല്‍ താരത്തിന്റെ കൊറോണ ഫലം നെഗറ്റീവാണെങ്കില്‍ മാത്രമേ ഇത് സാധ്യമാകുകയുള്ളു. ഇംഗ്ലണ്ടിലെ പരിശോധന അനുകൂലമെങ്കില്‍ പാക്കിസ്ഥാനില്‍ എത്തുന്ന താരത്തിന്റെ രണ്ട് ടെസ്റ്റുകള്‍ കൂടി നടത്തി ഫലം നെഗറ്റീവെങ്കില്‍ മാത്രമേ മത്സരത്തില്‍ പങ്കെടുക്കുവാന്‍ അനുവാദം ലഭിയ്ക്കുകയുള്ളു.
