പാക്കിസ്ഥാന്‍ സൂപ്പര്‍ ലീഗിൽ കറാച്ചി കിംഗ്സിന് കനത്ത തിരിച്ചടി. ടീമിന്റെ പേസര്‍മാരായ മുഹമ്മദ് അമീറും മുഹമ്മദ് ഇല്യാസും പരിക്കേറ്റ് ടൂര്‍ണ്ണമെന്റിൽ നിന്ന് പുറത്താകുകയാണ്. ഹാംസ്ട്രിംഗ് പരിക്ക് കാരണം അമീറിന് ടീമിന്റെ ആദ്യ മൂന്ന് മത്സരങ്ങള്‍ നഷ്ടമായിരുന്നു. ഇപ്പോള്‍ ഈ സീസൺ തന്നെ താരത്തിന് നഷ്ടമാകുമെന്നാണ് അറിയുന്നത്.
അതേ സമയം ഇല്യാസ് ആദ്യ മൂന്ന് മത്സരങ്ങള്‍ കളിച്ചുവെങ്കിലും ഒരു വിക്കറ്റ് മാത്രമാണ് നേടാനായത്. ഇരു താരങ്ങള്‍ക്കും പകരക്കാരെ ഫ്രാഞ്ചൈസി നോക്കുന്നുണ്ടെന്നാണ് ലഭിയ്ക്കുന്ന വിവരം.
ടൂര്‍ണ്ണമെന്റിലെ ആദ്യ മൂന്ന് മത്സരങ്ങളിലും ബാബര്‍ അസം നയിക്കുന്ന ടീമിന് തോല്‍വിയായിരുന്നു ഫലം.
