പൃഥ്വി ഷായ്ക്കും ശുഭ്മന്‍ ഗില്ലിനും മാനേജ്മെന്റിന്റെ പിന്തുണയുണ്ടാകണം

പൃഥ്വി ഷായ്ക്കും ശുഭ്മന്‍ ഗില്ലിനും ഇന്ത്യന്‍ ടീം മാനേജ്മെന്റിന്റെ പിന്തുണയുണ്ടാകണമെന്ന് അറിയിച്ച് മുന്‍ സെലക്ടര്‍ സരണ്‍ദീപ് സിംഗ്. ഇരു താരങ്ങള്‍ക്കും പരാജയം നേരിടേണ്ടി വന്നാലും ടീമിന്റെ ബാക്കിംഗ് വേണ്ടവരാണെന്നും ഇരുവരും മികച്ച പ്രതിഭകളായതിനാല്‍ തന്നെ ടീം അവരെ പിന്തുണയ്ക്കുവാന്‍ മുന്നോട്ട് വരണമെന്നും അദ്ദേഹം പറഞ്ഞു.

ഇംഗ്ലണ്ടിനെതിരെയുള്ള ടെസ്റ്റ് പരമ്പരയിലേക്ക് പൃഥ്വിയെ പരിഗണിച്ചില്ലെങ്കിലും ശുഭ്മന്‍ ഗില്ലിന് അവസരം ലഭിച്ചിരുന്നു. എന്നാല്‍ താരത്തിന് അധികം റണ്‍സ് കണ്ടെത്തുവാന്‍ സാധിച്ചില്ല. ഇപ്പോള്‍ ലോക ടെസ്റ്റ് ചാമ്പ്യന്‍ഷിപ്പ് ഫൈനലിനുള്ള ടീമിലേക്കും ഇംഗ്ലണ്ട് പര്യടനത്തിനും പൃഥ്വിയ്ക്ക് അവസരമില്ലെങ്കിലും ഗില്ലിന് അവസരം ലഭിച്ചിട്ടുണ്ട്.