2020 വരെ എസെക്സ്സില്‍ തുടരുവാന്‍ തീരുമാനിച്ച് പീറ്റര്‍ സിഡില്‍. രണ്ട് വര്‍ഷത്തെ കരാര്‍ കൂടിയാണ് എസെക്സ്സുമായി താരം പുതുക്കിയിരിക്കുന്നത്. ഈ സീസണില്‍ നാല് ഫിക്സ്ച്ചറുകള്‍ ആദ്യം കളിച്ച സിഡില്‍ അവയില്‍ നിന്ന് 20 വിക്കറ്റുകളാണ് നേടിയത്. പിന്നീട് നീല്‍ വാഗ്നര്‍ താരത്തിനു പകരം വിദേശ താരമായി ടീമിലെത്തിയെങ്കിലും മൂന്ന് മത്സരങ്ങള്‍ക്ക് ശേഷം സിഡില്‍ മടങ്ങിയെത്തി. മടങ്ങിയെത്തിയ ശേഷം സിഡില്‍ 17 വിക്കറ്റുകളാണ് ശേഷിക്കുന്ന മൂന്ന് മത്സരങ്ങളില്‍ നിന്ന് നേടിയത്.
അലിസ്റ്റര്‍ കുക്കിനൊപ്പം എസെക്സ്സിനു വേണ്ടി കളിക്കാന്‍ ഇനിയും തനിക്കാവുമെന്ന സന്തോഷത്തിലാണ് താനെന്നാണ് സിഡില്‍ തന്റെ പുതിയ കരാറിനെക്കുറിച്ച് ചോദിച്ചപ്പോള്‍ പറഞ്ഞത്.
