കൗണ്ടി കളിക്കാനെത്തിയ പീറ്റര്‍ ഹാന്‍ഡ്സ്കോമ്പ് കോവിഡ് പോസിറ്റീവായി

കൗണ്ടി കളിക്കാനെത്തിയ ഓസ്ട്രേലിയന്‍ താരം പീറ്റര്‍ ഹാന്‍ഡ്സ്കോമ്പിന് കോവിഡ് ബാധ. 2019ൽ ഓസ്ട്രേലിയയ്ക്കായി അവസാനമായി കളിച്ച താരം മിഡിൽസെക്സിന് വേണ്ടിയാണ് കൗണ്ടി കളിക്കുന്നത്. താരം ടീമിന്റെ ക്യാപ്റ്റന്‍ കൂടിയായിരുന്നു. പകരം താരമായി അയര്‍ലണ്ടിന്റെ ടിം മുര്‍ട്ഗയെ ടീമിലേക്ക് എത്തിക്കുവാന്‍ കൗണ്ടി ക്ലബിന് സാധിച്ചിട്ടുണ്ട്.

ലെസ്റ്ററര്‍ഷയറിനെതിരെയുള്ള മത്സരത്തിൽ ഹാന്‍ഡ്സ്കോമ്പ് ആദ്യ ദിവസം കളിച്ചിരുന്നു. പിന്നീടാണ് പരിശോധനയിൽ താരം കോവിഡ് ബാധിതനാണെന്ന് അറിഞ്ഞത്. കൗണ്ടിയിൽ ഏഴ് മത്സരങ്ങളിൽ നിന്ന് താരത്തിന് 227 റൺസ് മാത്രമേ നേടാനായിരുന്നു. ഓസ്ട്രേലിയന്‍ ടീമിലേക്ക് തിരിച്ചുവരവ് നടത്തുകയെന്ന ആഗ്രഹത്തിന് വിനയാണ് താരത്തിന്റെ മോശം ഫോം.

Previous articleഗ്രീസ്മനെ വിറ്റാലെ ബാഴ്സക്ക് മുന്നോട്ട് പോകാൻ ആകു, എന്നാൽ സുവാരസിനെ വിറ്റ പോലെ അബദ്ധമാകാനും പാടില്ല
Next articleഹൈദരബാദ് സ്ക്വാഡ് മികച്ചതാകുന്നു, എഡു ഗാർസിയയും ഇനി ഹൈദരബാദിൽ