ഓസ്ട്രേലിയയ്ക്കെതിരെ പെര്‍ത്ത് വിജയം ഇന്ത്യയ്ക്ക് 5 വിക്കറ്റ് അകലെ. 12/3 എന്ന നിലയിൽ നാലാം ദിവസം കളി ആരംഭിച്ചപ്പോള്‍ ഖവാജയെ ആണ് ഓസ്ട്രേലിയയ്ക്ക് ആദ്യം നഷ്ടമായത്. സ്കോര്‍ ബോര്‍ഡിൽ 17 റൺസായിരുന്നു ആ ഘട്ടത്തിൽ ഓസ്ട്രേലിയ നേടിയത്. സിറാജായിരുന്നു ഖവാജയുടെ വിക്കറ്റ് നേടിയത്.
അഞ്ചാം വിക്കറ്റിൽ സ്റ്റീവന്‍ സ്മിത്ത് – ട്രാവിസ് ഹെഡ് കൂട്ടുകെട്ട് 62 റൺസായിരുന്നു നേടിയത്. 17 റൺസ് നേടിയ സ്മിത്തിനെയും സിറാജ് തന്നെയാണ് പുറത്താക്കിയത്.
നാലാം ദിവസം ലഞ്ചിന് പോകുമ്പോള്‍ ഓസ്ട്രേലിയ 104/5 എന്ന നിലയിലാണ്. 63 റൺസുമായി ട്രാവിസ് ഹെഡും 5 റൺസുമായി മിച്ചൽ മാര്‍ഷും ആണ് ആതിഥേയര്‍ക്കായി ക്രീസിലുള്ളത്. 25 റൺസാണ് ആറാം വിക്കറ്റിൽ ഇവര്‍ നേടിയിട്ടുള്ളത്. 430 റൺസിന് പിന്നിലാണ് ഓസ്ട്രേലിയ ഇപ്പോള്‍.
