നവംബര്‍ 11 വരെ വിലക്ക് നേരിടുന്ന പാക്കിസ്ഥാന്‍ താരം അഹമ്മദ് ഷെഹ്സാദിനു വീണ്ടും ബോര്‍ഡില്‍ നിന്ന് പണി. താരത്തിനോട് ബോര്‍ഡ് കാരണം കാണിക്കല്‍ നോട്ടീസ് നല്‍കുവാന്‍ ബോര്‍ഡ് ആവശ്യപ്പെട്ടിരിക്കുകയാണ്. തന്റെ ട്വിറ്ററിലും ഫേസ്ബുക്കിലും താന്‍ മുസ്ലീം ജിംഖാനയ്ക്കായി കഴിഞ്ഞ 12 ദിവസത്തിനിടെ 7 മത്സരങ്ങള്‍ കളിച്ചുവെന്ന് താരം വെളിപ്പെടുത്തിയിരുന്നു.
എന്നാല്‍ ഒക്ടോബര്‍ 25നുള്ളില്‍ ഇതിന്മേലൊരു മറുപടി നല്‍കാനാണ് താരത്തിനോട് ബോര്‍ഡിന്റെ ആവശ്യം. വിലക്കിലുള്ളപ്പോള്‍ ക്രിക്കറ്റ് കളിച്ചുവെന്നതിനെതിരയാണ് നടപടി. ഒരു തരത്തിലുമുള്ള ക്രിക്കറ്റ് കളിക്കരുതെന്നാണ് താരത്തിനുള്ള വിലക്ക്.
