ഓസ്ട്രേലിയയെ നാണംകെടുത്തി പാക്കിസ്ഥാന്‍, പരമ്പര വിജയം 3-0നു

Sports Correspondent

Download the Fanport app now!
Appstore Badge
Google Play Badge 1

മൂന്നാം ടി20യിലും ഓസ്ട്രേലിയയെ നാണംകെടുത്തി പാക്കിസ്ഥാന്‍. മൂന്നാം മത്സരത്തില്‍ 33 റണ്‍സിന്റെ വിജയമാണ് പാക്കിസ്ഥാന്‍ ഇന്ന് സ്വന്തമാക്കിയത്. ആദ്യം ബാറ്റ് ചെയ്ത പാക്കിസ്ഥാന്‍ 150/5 എന്ന സ്കോര്‍ നേടിയപ്പോള്‍ ഓസ്ട്രേലിയ 117 റണ്‍സിനു ഓള്‍ഔട്ട് ആവുകയായിരുന്നു.

ബാബര്‍ അസം(50), ഷാഹിബ്സാദ ഫര്‍ഹാന്‍(39), മുഹമ്മദ് ഫഹീസ്(32) എന്നിവരുടെ ബാറ്റിംഗ് പ്രകടനമാണ് പാക്കിസ്ഥാനെ 150 റണ്‍സിലേക്ക് നയിച്ചത്. മിച്ചല്‍ മാര്‍ഷ് ഓസ്ട്രേലിയയ്ക്കായി രണ്ട് വിക്കറ്റ് നേടി.

21 റണ്‍സ് നേടിയ മിച്ചല്‍ മാര്‍ഷും ബെന്‍ മക്ഡര്‍മട്ടും ടോപ് സ്കോറര്‍മാരായപ്പോള്‍ ഓസ്ട്രേലിയന്‍ നിരയില്‍ അലക്സ് കാറെയാണ് 20നു മുകളില്‍ സ്കോര്‍ ചെയ്യുന്ന മറ്റൊരു താരം. ഷദബ് ഖാന്‍ മൂന്നും ഹസന്‍ അലി രണ്ടും വിക്കറ്റ് വീഴ്ത്തിയാണ് പാക്കിസ്ഥാനെ വിജയത്തിലേക്ക് നയിച്ചത്.