ശ്രീലങ്ക 212 റണ്‍സിന് ഓള്‍ഔട്ട്, പാക്കിസ്ഥാന് 263 റണ്‍സിന്റെ വിജയം

അഞ്ചാം ദിവസം ഏതാനും ഓവറുകള്‍ക്കുള്ളില്‍ തന്നെ വിജയം കുറിച്ച് പാക്കിസ്ഥാന്‍. ശ്രീലങ്കയെ തലേ ദിവസത്തെ സ്കോറില്‍ നിന്ന് ഒരു റണ്‍സ് പോലും നേടാനാകുന്നതിന് മുമ്പാണ് പാക്കിസ്ഥാന്‍ എറിഞ്ഞിട്ടത്. നസീം ഖാന്‍ തന്റെ അഞ്ച് വിക്കറ്റ് നേട്ടം ആഘോഷിച്ചപ്പോള്‍ യസീര്‍ ഷാ ശതകം നേടിയ ഒഷാഡയെ(102) പുറത്താക്കി.

62.5 ഓവറിലാണ് ശ്രീലങ്കയുടെ രണ്ടാം ഇന്നിംഗ്സ് 212 റണ്‍സില്‍ അവസാനിച്ചത്. ഇതോടെ പാക്കിസ്ഥാന്‍ 263 റണ്‍സിന്റെ വിജയം നേടി. 13 മാസത്തിന് ശേഷമാണ് പാക്കിസ്ഥാന്‍ ഒരു ടെസ്റ്റ് മത്സരം വിജയിക്കുന്നത്.

മത്സരത്തിലെ താരവും പരമ്പരയിലെ താരവുമായി ആബിദ് അലി തിരഞ്ഞെടുക്കപ്പെട്ടു.