ന്യൂസിലാണ്ട് എയ്ക്കെതിരെയുള്ള അനൗദ്യോഗിക ടെസ്റ്റ് മത്സരത്തില്‍ ബാറ്റിംഗ് തകര്‍ച്ച നേരിട്ട് പാക്കിസ്ഥാന് എ ടീം. 194 റണ്‍സിന് പാക്കിസ്ഥാന്റെ ഒന്നാം ഇന്നിംഗ്സ് അവസാനിച്ചപ്പോള്‍ ന്യൂസിലാണ്ട് ആദ്യ ദിവസത്തെ കളി അവസാനിക്കുമ്പോള്‍ ഒരു വിക്കറ്റ് നഷ്ടത്തില്‍ 23 റണ്‍സ് നേടിയിട്ടുണ്ട്. പാക്കിസ്ഥാന്റെ ഒന്നാമിന്നിംഗ്സ് സ്കോര്‍ മറികടക്കുവാന്‍ ന്യൂസിലാണ്ട് 171 റണ്‍സ് കൂടി നേടേണം.
58 റണ്‍സ് നേടിയ അസ്ഹര്‍ അലി പാക് നിരയിലെ ടോപ് സ്കോറര്‍ ആയപ്പോള്‍ ഇമ്രാന്‍ ബട്ട് 27 റണ്‍സും രൊഹൈല്‍ നസീര്‍ 21 റണ്‍സും നേടി. മുഹമ്മദ് അബ്ബാസ് പുറത്താകാതെ 18 റണ്‍സ് നേടി. ന്യൂസിലാണ്ടിന് വേണ്ടി എഡ് നുട്ടല്‍ അഞ്ചും നഥാന്‍ സ്മിത്ത് മൂന്ന് വിക്കറ്റും നേടി.
