പാക്കിസ്ഥാന് ബാറ്റിംഗ് തകര്‍ച്ച, തീപാറും സ്പെല്ലുമായി ന്യൂസിലാണ്ട് പേസര്‍മാര്‍

Sports Correspondent

Download the Fanport app now!
Appstore Badge
Google Play Badge 1

ബേ ഓവലില്‍ ന്യൂസിലാണ്ടിനെതിരെ ഫോളോ ഓണ്‍ ഒഴിവാക്കുവാന്‍ പാക്കിസ്ഥാന്റെ കിണഞ്ഞ് പരിശ്രമം. ഇന്ന് മത്സരത്തിന്റെ മൂന്നാം ദിവസം 54 ഓവറുകള്‍ പിന്നിടുമ്പോള്‍ പാക്കിസ്ഥാന്‍ 5 വിക്കറ്റ് നഷ്ടത്തില്‍ 73 റണ്‍സാണ് നേടിയിട്ടുള്ളത്.

ആബിദ് അലി(25) ഒഴിച്ച് നിര്‍ത്തിയാല്‍ മറ്റ് പുറത്തായ താരങ്ങളാരും തന്നെ അഞ്ചിന് മേലെ റണ്‍സ് നേടിയില്ല. മുഹമ്മദ് അബ്ബാസ്(5), അസ്ഹര്‍ അലി(5), ഹാരിസ് സൊഹൈല്‍(3) എന്നിവരുടെ വിക്കറ്റുകളാണ് 30/1 എന്ന നിലയില്‍ ബാറ്റിംഗ് പുനരാരംഭിച്ച ടീമിന് നഷ്ടമായത്.

മുഹമ്മദ് റിസ്വാനും(15*), ഫവദ് അലവുമാണ്(7*) പാക്കിസ്ഥാന് വേണ്ടി ക്രീസില്‍ നില്‍ക്കുന്നത്. ന്യൂസിലാണ്ടിന് വേണ്ടി കൈല്‍ ജാമിസണും ടിം സൗത്തിയും രണ്ട് വിക്കറ്റ് നേടിയപ്പോള്‍ ട്രെന്റ് ബോള്‍ട്ടിന് ഒരു വിക്കറ്റ് ലഭിച്ചു.