ഇന്ത്യയ്ക്കെതിരെയുള്ള ടെസ്റ്റ് പരമ്പരയിലെ ആദ്യ മത്സരത്തിൽ ഒല്ലി പോപ് കളിക്കില്ല. സറേയ്ക്ക് വേണ്ടി കെന്റിനെതിരെ വൈറ്റാലിറ്റി ബ്ലാസ്റ്റിനിടെയേറ്റ പരിക്കാണ് താരത്തിന് വിനയായിരിക്കുന്നത്. താരത്തിനെ ആദ്യ ടെസ്റ്റിന് മുമ്പ് പൂര്‍ണ്ണ ഫിറ്റാക്കുവാനുള്ള ശ്രമത്തിലാണ് ഇംഗ്ലണ്ട് ടീം മാനേജ്മെന്റെങ്കിലും രണ്ടാം ടെസ്റ്റ് മുതലാവും താരം കളിക്കാനുണ്ടാകുകയെന്നാണ് അറിയുന്നത്.
ജൂലൈ 2ന് ആണ് താരത്തിന് പരിക്കേറ്റത്. പരമ്പരയിലെ ആദ്യ ടെസ്റ്റ് ഓഗസ്റ്റ് 4ന് ആരംഭിക്കും. തന്റെ 15 ടെസ്റ്റ് ഇന്നിംഗ്സുകളിലും 35 എന്ന സ്കോറിലേക്ക് എത്തുവാന്‍ താരത്തിന് സാധിച്ചിട്ടില്ലെങ്കിലും ഇംഗ്ലീഷ് ക്രിക്കറ്റില്‍ ലഭ്യമായ ഏറ്റവും പ്രതിഭയുള്ള താരമായി വിലയിരുത്തപ്പെടുന്നയാളാണ് ഒല്ലി പോപ്.
ഇതോടെ താരം ദി ഹണ്ട്രെഡിലും കളിക്കുകയില്ലെന്നാണ് അറിയുന്നത്. വെല്‍ഷ് ഫയറിന് വേണ്ടിയായിരുന്നു താരം ദി ഹണ്ട്രെഡിൽ കളിക്കാനിരുന്നത്.
