വിന്‍ഡീസിനെതിരെ ആരംഭിക്കുന്ന ടെസ്റ്റ് മത്സരം അടച്ചിട്ട സ്റ്റേഡിയത്തിലാവും നടക്കുകയെങ്കിലും കാണികളുടെ അഭാവം മത്സരത്തിന്റെ തീവ്രതയെ കുറയ്ക്കില്ലെന്ന് അഭിപ്രായപ്പെട്ട് യുവ താരം ഒല്ലി പോപ്. ഇംഗ്ലണ്ടിന്റെ പ്രസിദ്ധമായ ബാര്‍മി ആര്‍മിയുടെ അഭാവം ഉണ്ടാവുമെങ്കിലും ഈ സാഹചര്യവുമായി പൊരുത്തപ്പെട്ട് മത്സരത്തില്‍ തീവ്രത അതേ ഭാവത്തില്‍ മുന്നോട്ട് കൊണ്ടു പോകുവാന്‍ കളിക്കാര്‍ക്കാവും എന്നും പോപ് വ്യക്തമാക്കി.
സന്നാഹ മത്സരത്തില്‍ ടീം ജോസ് ബട്‍ലറിന് വേണ്ടി കളിച്ച ഒല്ലി പോപ് ഇരു ഇന്നിംഗ്സുകളിലായി മികച്ച പ്രകടനം പുറത്തെടുത്തിട്ടുണ്ട്. ആദ്യ ഇന്നിംഗ്സില്‍ 25 റണ്‍സ് നേടിയ പോപ് രണ്ടാം ഇന്നിംഗ്സില്‍ 55 റണ്‍സുമായി പുറത്താകാതെ നില്‍ക്കുകയായിരുന്നു.
