നുവാന്‍ പ്രദീപിന്റെ സേവനം ശ്രീലങ്കയ്ക്ക് നഷ്ടം

ഓസ്ട്രേലിയയ്ക്കെതിരെ രണ്ട് ടെസ്റ്റ് മത്സരങ്ങളുടെ പരമ്പരയില്‍ നിന്ന് നുവാന്‍ പ്രദീപ് പിന്മാറി. ഹാംസ്ട്രിംഗ് ഇഞ്ച്വറി മൂലമാണ് താരം പരമ്പരയില്‍ നിന്ന് വിട്ടുനില്‍ക്കുവാനുള്ള സാഹചര്യമായി ഉടലെടുത്തത്. ക്രിക്കറ്റ് ഓസ്ട്രേലിയയ്ക്കെതിരെയുള്ള സന്നാഹ മത്സരത്തിനിടെയാണ് താരത്തിനു പരിക്കേറ്റത്. വ്യാഴാഴ്ചയാണ് സംഭവം. വെള്ളിയാഴ്ച താരത്തിന്റെ സ്കാനിംഗ് നടത്തിയ ശേഷമാണ് പ്രദീപിന്റെ കാര്യത്തില്‍ തീരുമാനം എടുത്തത്.

ന്യൂസിലാണ്ട് പരമ്പരയില്‍ ടീമിന്റെ ഭാഗമായിരുന്നില്ല താരം. അവസാനമായി ഒക്ടോബര്‍ 2017ല്‍ ആണ് നുവാന്‍ പ്രദീപ് ലങ്കയ്ക്കായി ടെസ്റ്റ് കളിച്ചത്.