ഇന്ത്യൻ ക്യാപ്റ്റൻ വിരാട് കോഹ്‌ലിക്കെതിരെ പന്തെറിയാൻ തനിക്ക് പേടിയില്ലെന്ന് പാകിസ്ഥാൻ യുവ ഫാസ്റ്റ് ബൗളർ നസീം ഷാ. എന്നാൽ താൻ വിരാട് കോഹ്‌ലിയെ ബഹുമാനിക്കുന്നുണ്ടെന്നും താരത്തിനെതിരെ പന്തെറിയാൻ കാത്തിരിക്കുകയാണെന്നും നസീം ഷാ പറഞ്ഞു. തന്റെ 16മത്തെ വയസ്സിൽ ഓസ്‌ട്രേലിയക്കെതിരെ ടെസ്റ്റിൽ അരങ്ങേറ്റം നടത്തിയ താരമാണ് നസീം ഷാ.
ഇന്ത്യക്കെതിരെ ബൗൾ ചെയ്യാൻ അവസരം ലഭിക്കുമ്പോൾ മികച്ച പ്രകടനം പുറത്തെടുക്കാൻ കഴിയുമെന്നാണ് തന്റെ പ്രതീക്ഷയെന്നും പാകിസ്ഥാൻ ആരാധകരെ താൻ നിരാശപെടുത്തില്ലെന്നും നസീം ഷാ പറഞ്ഞു. എന്നാൽ അതെ സമയം വിരാട് കോഹ്‌ലിയോട് തനിക്ക് ബഹുമാനം മാത്രമാണ് ഉള്ളതെന്നും പേടിയില്ലെന്നും നസീം ഷാ പറഞ്ഞു.
മികച്ച താരങ്ങൾക്കെതിരെ മികച്ച രീതിയിൽ പന്തെറിയുകയെന്നത് കനത്ത വെല്ലുവിളിയാണെന്നും അത്തരമൊരു അവസരത്തിൽ കളിയുടെ നിലവാരം ഉയർത്തണമെന്നും നസീം ഷാ പറഞ്ഞു. ഇന്ത്യ- പാകിസ്ഥാൻ മത്സരം എപ്പോഴും വളരെ പ്രധാനപ്പെട്ട ഒന്നാണെന്നും ഇന്ത്യക്കെതിരെയും വിരാട് കോഹ്‌ലിക്കെതിരെയും കളിക്കാൻ താൻ കാത്തിരിക്കുകയാണെന്നും നസീം ഷാ. ടെസ്റ്റിൽ ഏറ്റവും കുറഞ്ഞ പ്രായത്തിൽ അഞ്ച് വിക്കറ്റ് നേട്ടവും ഹാട്രിക് നേട്ടവും നേടിയ താരമാണ് നസീം ഷാ.
