പൂരനുള്‍പ്പടെ പുതിയ താരങ്ങള്‍ക്ക് കേന്ദ്ര കരാര്‍ നല്‍കി വിന്‍ഡീസ്

നിക്കോളസ് പൂരന്‍, ഫാബിയന്‍ അല്ലെന്‍, ഒഷെയ്ന്‍ തോമസ് എന്നിവര്‍ക്ക് 2019-2020 സീസണിലേക്കുള്ള കേന്ദ്ര കരാര്‍ നല്‍കി വിന്‍ഡീസ് ക്രിക്കറ്റ് ബോര്‍ഡ്. മൂന്ന് ഫോര്‍മാറ്റുകളിലേക്കുമുള്ള കരാറുകള്‍ ഡാരെന്‍ ബ്രാവോ, ജേസണ്‍ ഹോള്‍ഡര്‍, ഷിമ്രണ്‍ ഹെറ്റ്മ്യര്‍, കീമോ പോള്‍, അല്‍സാരി ജോസഫ്, ഷായി ഹോപ്, കെമര്‍ റോച്ച് എന്നിവര്‍ നല്‍കി. കഴിഞ്ഞ വര്‍ഷം ഈ കരാര്‍ വെറും നാല് താരങ്ങള്‍ക്കാണ് നല്‍കിയത്.

ലോകകപ്പില്‍ മികച്ച ഫോമിലുണ്ടായിരുന്ന താരമായിരുന്നു നിക്കോളസ് പൂരന്‍. താരമാണ് വിന്‍ഡീസ് ടീമിലെ ഏറ്റവും ഉയര്‍ന്ന സ്കോറിനുടമ. ശ്രീലങ്കയ്ക്കെതിരെ 118 റണ്‍സ് നേടിയതാണ് ഈ ടൂര്‍ണ്ണമെന്റിലെ പൂരന്റെ ഏറ്റവും മികച്ച സ്കോര്‍.

ഷെയിന്‍ ഡോവ്റിച്ച്, ഷാനണ്‍ ഗബ്രിയേല്‍, ജോമല്‍ വാരിക്കന്‍, ക്രെയിഗ് ബ്രാത്‍വൈറ്റ്, ജോണ്‍ കാംപെല്‍, റോഷ്ടണ്‍ ചേസ് എന്നിവരാണ് ടെസ്റ്റ് ക്രിക്കറ്റിനുള്ള കരാര്‍ ലഭിച്ച താരങ്ങള്‍. ഷെല്‍ഡണ്‍ കോട്രെല്‍, നിക്കോളസ് പൂരന്‍, റോവ്മന്‍ പവല്‍, ഒഷെയ്ന്‍ തോമസ്, ഫാബിയന്‍ അല്ലെന്‍, കാര്‍ലോസ് ബ്രാത്‍വൈറ്റ് എന്നിവര്‍ വൈറ്റ് ബോള്‍ ക്രിക്കറ്റ് കരാര്‍ ലഭിച്ചു.

15 വനിത താരങ്ങള്‍ക്കും വിന്‍ഡീസ് കരാര്‍ നല്‍കിയിട്ടുണ്ട്.