ഈ മാസം അവസാനം നടക്കുന്ന ന്യൂസിലൻഡിന് എതിരായ പരമ്പരയിൽ കെ എൽ രാഹുൽ ഇന്ത്യയെ നയിക്കും. മൂന്ന് ടി20 മത്സരങ്ങൾ ആണ് ഇന്ത്യ ന്യൂസിലൻഡിനെതിരെ കളിക്കുന്നത്. ഈ മത്സരങ്ങളിൽ കെ എൽ രാഹുലിനെ ഇന്ത്യ ക്യാപ്റ്റൻ ആയി നിയമിക്കും. ഇന്ത്യയുടെ സീനിയർ താരങ്ങളിൽ ഭൂരിഭാഗവും ഈ പരമ്പരയിൽ കളിക്കില്ല. സീനിയർ താരങ്ങൾക്ക് വിശ്രമം നൽകാനാണ് ബി സി സി ഐ ആലോചിക്കുന്നത്. കോഹ്ലി, രോഹിത് എന്നിവർ ഒന്നും കളിക്കാൻ ഉണ്ടാകില്ല. കോഹ്ലി ഈ ലോകകപ്പോടെ ടി20 ക്യാപ്റ്റൻ സ്ഥാനം ഒഴിയും എന്ന് നേരത്തെ പ്രഖ്യാപിച്ചിരുന്നു.
അവസാന രണ്ടു വർഷമായി പഞ്ചാബ് കിംഗ്സിനെ നയിക്കുന്ന താരമാണ് കെ എൽ രാഹുൽ. ഈ പരമ്പരയ്ക്ക് കാണികൾ ഗ്യാലറിയിലേക്ക് തിരികെ എത്തുകയും ചെയ്യും. കൊറോണ വന്നതു മുതൽ ഇന്ത്യയിൽ കാണികൾ ഇല്ലാതെയാണ് മത്സരങ്ങൾ നടന്നു പോന്നിരുന്നത്.
