ലക്ഷ്യമെന്തെന്ന് കളിക്കാര്‍ക്ക് അറിയാത്ത ഒരു മത്സരത്തില്‍ താന്‍ ഒരിക്കലും ഭാഗമായിട്ടില്ല – ബംഗ്ലാദേശ് കോച്ച്

Sports Correspondent

Download the Fanport app now!
Appstore Badge
Google Play Badge 1

ഡക്ക്വര്‍ത്ത് ലൂയിസ് കണക്ക് കൂട്ടുന്നതിലെ പിഴവായിരുന്നു ഇന്നലെ നടന്ന ബംഗ്ലാദേശ് ന്യൂസിലാണ്ട് ടി20 മത്സരത്തില്‍ രസംകൊല്ലിയായി മാറിയത്. ന്യൂസിലാണ്ട് 173/5 എന്ന നിലയില്‍ 17.5 ഓവറില്‍ എത്തി നില്‍ക്കവെയാണ് മത്സരത്തെ മഴ തടസ്സപ്പെടുത്തിയത്.

പിന്നീട് ബംഗ്ലാദേശ് ബാറ്റ് ചെയ്യാനിറങ്ങിയപ്പോള്‍ ടീമിന് ലക്ഷ്യം എത്രയാണെന്ന് നിശ്ചയമില്ലായിരുന്നു. ആദ്യം 16 ഓവറില്‍ 148 റണ്‍സാണ് ലക്ഷ്യമെന്ന് അറിയിച്ചുവെങ്കിലും 1.3 ഓവറുകള്‍ക്ക് ശേഷം അത് 170 റണ്‍സാക്കി മാറ്റി. പിന്നെ 13 ഓവറുകള്‍ കഴിഞ്ഞപ്പോള്‍ 171 ആണ് ലക്ഷ്യമെന്ന് പ്രഖ്യാപിച്ചു.

Bangladeshnz

സാധാരണ മത്സരം തുടങ്ങി ഒന്നോ രണ്ടോ പന്തില്‍ ഇത്തരത്തില്‍ ഡിഎല്‍എസ് സ്കോര്‍ ടീമുകള്‍ക്ക് ലഭിയ്ക്കുന്നതാണ് എന്നാല്‍ ഇത്തവണ ഇത് വളരെ അധികം വൈകിയെന്നും ഇത് വളരെ അരോചകമായ ഒരു കാര്യമായിരുന്നുവെന്നും ബംഗ്ലാദേശ് കോച്ച് റസ്സല്‍ ഡൊമിംഗോ പറഞ്ഞു.

തന്റെ കരിയറില്‍ ഇത്തരത്തില്‍ ലക്ഷ്യം അറിയാതെ കളിക്കാര്‍ കളത്തിലിറങ്ങിയ ഒരു സാഹചര്യം ഒരിക്കലും അനുഭവപ്പെട്ടില്ലെന്നും ഇത്ര ഓവറുകള്‍ക്ക് ശേഷം ടീം എത്ര സ്കോര്‍ നേടേണമെന്നതിന്റെ കാര്യങ്ങളൊന്നും തങ്ങള്‍ക്ക് ലഭിച്ചിരുന്നില്ലെന്നും റസ്സല്‍ വ്യക്തമാക്കി.