ത്രിരാഷ്ട്ര ടി20 പരമ്പരയിലെ ആദ്യ മത്സരത്തില്‍ നേപ്പാളിന് 9 വിക്കറ്റ് വിജയം

Sports Correspondent

Download the Fanport app now!
Appstore Badge
Google Play Badge 1

നെതര്‍ലാണ്ട്സിനെതിരെ ത്രിരാഷ്ട്ര ടി20 പരമ്പരയിലെ ആദ്യ മത്സരത്തില്‍ 9 വിക്കറ്റ് വിജയം നേടി നേപ്പാള്‍. ഇന്നലെ ആദ്യം ബാറ്റ് ചെയ്ത നെതര്‍ലാണ്ട്സിനെ 136/4 എന്ന സ്കോറിന് പിടിച്ചുകെട്ടിയ നേപ്പോള്‍ ലക്ഷ്യം 15 ഓവറില്‍ 1 വിക്കറ്റ് നഷ്ടത്തില്‍ മറികടക്കുകയായിരുന്നു.

സന്ദീപ് ലാമിച്ചാനെ ആണ് നേപ്പാളിന് വേണ്ടി രണ്ട് വിക്കറ്റുമായി ബൗളിംഗില്‍ തിളങ്ങിയത്. കരണ്‍ കെസി, സോംപാല്‍ കമി എന്നിവര്‍ കണിശതയോടെ പന്തെറിഞ്ഞു. 4 ഓവറില്‍ 13 റണ്‍സ് മാത്രം വിട്ട് നല്‍കിയാണ് സോംപാല്‍ ഒരു വിക്കറ്റ് നേടിയത്. തങ്ങളുടെ നാലോവര്‍ സ്പെല്ലില്‍ 22 റണ്‍സ് ആണ് ലാമിച്ചാനെയും കരണും വഴങ്ങിയത്. 41 റണ്‍സ് നേടി ബാസ് ഡി ലീഡ് ആണ് നെതര്‍ലാണ്ട്സിന്റെ ടോപ് സ്കോറര്‍. സ്കോട്ട് എഡ്വേര്‍ഡ്സ് 30 റണ്‍സ് നേടി. സീലര്‍(23*), ടോണി സ്റ്റാല്‍(9 പന്തില്‍ 20*) എന്നിവരാണ് മറ്റു പ്രധാന സ്കോറര്‍മാര്‍.

നേപ്പാളിന് വേണ്ടി കുശല്‍ ബുര്‍ട്ടല്‍ 62 റണ്‍സ് നേടി പുറത്താകുകയായിരുന്നു. പുറത്താകാതെ 54 റണ്‍സ് നേടിയ ആസിഫ് ഷെയിഖിനൊപ്പം ഒന്നാം വിക്കറ്റില്‍ 116 റണ്‍സാണ് നേപ്പാള്‍ ഓപ്പണര്‍ നേടിയത്.