ഓസ്ട്രേലിയയ്ക്കെതിരെ പാക്കിസ്ഥാന് വേണ്ടി ടെസ്റ്റ് അരങ്ങേറ്റം കുറിയ്ക്കുമ്പോള്‍ നസീം ഷാ ഒരു റെക്കോര്‍ഡിന് അര്‍ഹനാകും. ഓസ്ട്രേലിയന്‍ മണ്ണില്‍ തന്റെ ടെസ്റ്റ് അരങ്ങേറ്റം കുറിയ്ക്കുന്ന ഏറ്റവും പ്രായം കുറഞ്ഞ പുരുഷ താരമാണ് നസീം ഷാ. ഗാബയിലെ പേസ് അനുകൂലമായ പിച്ചില്‍ നസീം ഷാ ഉള്‍പ്പെടുന്ന പാക് യുവ നിര എങ്ങനെ പന്തെറിയുന്നു എന്നതിനെ ആശ്രയിച്ചാവും പാക്കിസ്ഥാന്റെ ടെസ്റ്റിലെ സാധ്യതകള്‍.
താന്‍ വസീം അക്രം, വഖാര്‍ യൂനിസ്, ഷൊയ്ബ് അക്തര്‍ എന്നിങ്ങനെ പാക്കിസ്ഥാന് ഇതിഹാസങ്ങളുടെ വീഡിയോകള്‍ ഏറെ വീക്ഷിക്കാറുണ്ടെന്നും അതില്‍ നിന്ന് പലതും താന്‍ പഠിക്കാറുണ്ടെന്നും അവ തന്നെ പ്രഛോദിപ്പിക്കാറുണ്ടെന്നും നസീം ഷാ പറഞ്ഞു.
പലരും തന്നെ മറ്റു പലരുമായി താരതമ്യം ചെയ്യാറുണ്ടെങ്കിലും താന്‍ തന്റെ സ്വതസിദ്ധമായ ശൈലിയില്‍ തുടരുവാന്‍ ശ്രമിക്കാറുണ്ടെന്നും തന്റെ ശക്തിയ്ക്കനുസരിച്ച് പന്തെറിയുവാന്‍ ആണ് ശ്രമിക്കാറുമെന്നും നസീം ഷാ വ്യക്തമാക്കി.
