അയര്ലണ്ടിനെതിരെ മൂന്നാം ഏകദിനത്തില് ബാറ്റിംഗ് തകര്ച്ചയ്ക്ക് ശേഷം കരകയറി 256/8 എന്ന സ്കോറിലെത്തി അഫ്ഗാനിസ്ഥാന്. ഇന്ന് ആദ്യം ബാറ്റ് ചെയ്ത അഫ്ഗാനിസ്ഥാന് ഒരു ഘട്ടത്തില് 74/5 എന്ന നിലയിലായിരുന്നു. ആറാം വിക്കറ്റില് അസ്ഗര് അഫ്ഗാനും നജീബുള്ള സദ്രാനും ഒത്തുകൂടി 117 റണ്സ് നേടിയാണ് മത്സരത്തില് അഫ്ഗാനിസ്ഥാനെ തിരികെ എത്തിക്കുന്നത്. 75 റണ്സ് നേടി അസ്ഗര് അഫ്ഗാന് പുറത്തായതോടെ കൂട്ടുകെട്ട് തകര്ന്നെങ്കിലും ബാറ്റിംഗ് തുടര്ന്ന് തന്റെ ശതകം പൂര്ത്തിയാക്കി 104 റണ്സുമായി നജീബുള്ള സദ്രാന് പുറത്താകാതെ നിന്നു.
സദ്രാന് 98 പന്തില് നിന്ന് അഞ്ച് വീതം സിക്സും ഫോറും നേടി പുറത്താകാതെ നിന്നപ്പോള് അസ്ഗര് അഫ്ഗാന് 4 ഫോറും 3 സിക്സും നേടി. അയര്ലണ്ടിനു വേണ്ടി ടിം മുര്ട്ഗയും ബോയഡ് റാങ്കിനും രണ്ട് വീതം വിക്കറ്റ് നേടി.
