ഏകദിന ടൂര്‍ണ്ണമെന്റില്‍ കളിക്കുന്നില്ലെന്ന് തീരുമാനിച്ച് മഷ്റഫെ മൊര്‍തസ

- Advertisement -

ബംഗ്ലാദേശില്‍ ഒക്ടോബര്‍ 11ന് ആരംഭിക്കുന്ന പ്രാദേശിക ഏകദിന ടൂര്‍ണ്ണമെന്റില്‍ പങ്കെടുക്കുന്നില്ലെന്ന് അറിയിച്ച് മഷ്റഫെ മൊര്‍തസ. കഴിഞ്ഞ വര്‍ഷം സിംബാബ്‍വേയ്ക്കെതിരെയുള്ള പരമ്പരയില്‍ വെച്ച് ക്യാപ്റ്റന്‍സി ചുമതല ഒഴിഞ്ഞ മൊര്‍തസയോട് പിന്നീട് ഫിറ്റ്നെസ്സും ഫോമും തെളിയിച്ചാല്‍ മാത്രമേ സെലക്ഷന് പരിഗണിക്കാനാകൂ എന്ന് ബംഗ്ലാദേശ് ബോര്‍ഡ് വ്യക്തമാക്കിയിരുന്നു.

ശ്രീലങ്കന്‍ പര്യടനം നീട്ടി വെച്ചതോടെയാണ് ബംഗ്ലാദേശ് പ്രാദേശിക ടൂര്‍ണ്ണമെന്റ് ആരംഭിക്കുവാന്‍ തീരുമാനിച്ചത്. അതിന് വേണ്ടിയാണ് ഏകദിന പരമ്പരയും ദ്വിദിന മത്സരങ്ങളുമെല്ലാം ബംഗ്ലാദേശ് പ്ലാന്‍ ചെയ്യുന്നത്. അടുത്തിടെയാണ് മൊര്‍തസ കോവിഡ് ബാധിതനാണെന്ന് കണ്ടെത്തിയത്.

താരത്തിന്റെ അസുഖം മാറുവാന്‍ രണ്ടാഴ്ചയിലധികം കാലം താരത്തിന് വേണ്ടി വന്നു. സെലക്ടര്‍മാര്‍ താരത്തെ സമീപിച്ചപ്പോളാണ് താന്‍ ഈ പ്രാദേശിക ടൂര്‍ണ്ണമെന്റില്‍ കളിക്കുന്നില്ലെന്ന് മൊര്‍തസ അറിയിച്ചത്. ഫിറ്റ്നെസ്സ് ആണ് താരം കാരണമായി പറഞ്ഞത്.

Advertisement